السلام عليكم ورحمه الله وبركاته
من هو مريض الفوركس ؟
هل سألت نفسك هذا السؤال من قبل
هو اللى متخيل ان الفوركس مصدر للثراء من مبالغ بسيطه وانه قادر على تحقيق الثراء ده رغم قيمة حسابه البسيطه
ورغم جهله بامور كثيره فى السوق وربما يكون لايعرف فى السوق الا عمل بعض المؤشرات فقط
وممكن جدا يكون من الناس اللى ماشيه ورا التوصيات بغض النظر عن مقدم التوصيه
نوع اخر
وهو اللى بقاله فتره بيجرى ورا الوهم وانه عمره مافكر يتعلم او يتقدم ديما مقتنع ان الفوركس فيه سر عظيم
وانه عشان يربح ويكون مليونير لازم يسعى انه يعرف السر ده
اللى هو فى نفس الوقت مقتنع ان ماحدش هايوصل للسر ده غيره
نوع كمان
بيدخل الصفقه وهو ماسك السبحه كل لما الاستوب يقترب يزيد فى التسبيح
بدون ماياخد بالاسباب وانه يسعى ويجتهد او لا
نوع كمان
بس متكبر شويه ودا اللى ديما بيخسر وماعندوش ثقه نهائى ان فيه حد بيربح من الاسواق دى
ودا عشان مش يزهر انه فاشل امام نفسه
وبرغم كده تلاقيه بردوا بيعمل ايداعات وبيخسر
وانواع اخرى كتير من مرضى الفوركس
اما الواقعى دول نادرين جدا هما اللى عارفين ان الفوركس احترام لرأس المال
مع العلم والالتزام وان نسبة نجاح 60 او 70% دى نسبه ممتاذه جدا للاستمرار فى الفوركس
وانهم متقبلين بخسارة شهر وربح شهر اخر
ولا الربح بيطمعهم فى السوق ولا الخساره بتحفزهم للانتقام من السوق باحجام عاليه
هما الواقعيين اللى بيتعاملوا مع الفوركس انه سوق مافيهوش الثراء السريع
او الحلم بمبلغ لا يتناسب تحقيقه مع رؤوس اموالهم
ابيت او رديت الفوركس سوق ربح وخساره والتزام وادارة راس مال
والربح فيه بما يتناسب مع راس مالك دى القاعده الثابته
ولكن هناك شواذ القاعده ان تلاقى شخص حقق مبلغ ثراء من مبلغ زهيد وبدون وعى
تجرى ورا هذه التجربه دون ماتعرف ازاى حقق كده
وماذا كان يمتلك من العلم لتحقيق هذا المبلغ وكم نسبة هؤلاء فى الاسواق
اتمنى التوفيق للجميع