عن السيارات - م. محمد أبوجادالله
١٣ أغسطس، الساعة ٦:٠٠ م ·
مهم جداً إنك تعيد تربيط كل صواميل و مسامير العفشة كل 10 آلاف كيلومتر, لو بتمشي في طرق ممهدة.
لو بتمشي في طرق غير ممهدة (فيها تكسير), الأفضل إنك تخلي موضوع تربيط العفشة كل 5 آلاف كيلو.
و ده بسبب إن المسامير أو الصواميل مع الأحمال الديناميكية و الإهتزازات المستمرة Vibrations بسبب تفاصيل الطريق بتخلي الصواميل و المسامير بتفك تدريجياً مع الوقت. (الموضوع مش خطر لو بتلتزم بالصيانات في مواعيدها, لأن الخطوة دي مفترض إنها تتم)
علامات إن فيه مسمار أو صامولة فكت أو سابت.. إنك تسمع خربطة من تحت و انت ماشي.. فيه ناس بتجري ساعتها تغير أجزاء و الموضوع ممكن يكون بسيط جداً , إنك تربط العفشة بس..
ربنا يسلم طريقكم