السلام عليكم ورحمة الله وبركاتهكيف تتعامل فى حالة عكس السعر ممكن تقلب عليك وتخليك تقفل الصفقات على خسارة وبعدين تلاقى الصفقة متجهة للهدف بعد ما استعجلت وقفلتها
او تلاقى نفسك عمال تبعد الاستوب فينتهى بيك الامر بدل ماكنت هتخسر 20 نقطة تلاقى نفسك خسرت 80 نقطة
و افضل حل من وجهة نظرى هوان تعمل سجل خاص بيك تسجل فيه كل مايحدث
فعلى سبيل المثال عملت 100 صفقة على حسابك او تاجرت لمدة شهر تبدء تمسك الشارت وتراجع صفقة صفقة وتبدء تسجل ازاى تطور ادارتك المالية
على سبيل المثال معاك استراتيجية بتستخدم الفيبو فيها وبتحط استوبك عند مستوى 261 فيبو
بعد ما راجعت الصفقات اللى انت عملتها لقيت انه السعر فى اغلب الاحيان اما بيوصل لمستوى 161 بيكمل ويضرب استوبك- فى الحالة دى ممكن تتطور استراتيجيتك وتقلص الاستوب وتخليه عند 161 لانك بقيت عارف انه طالما وصل للنقطة دى يبقى هيكمل ويضرب الاستوب حتى لو انتا حاطه بعيد عن 161
وطبعا الهدف ممكن تطور فيه بنفس الطريقة
الطريقة التانية انك بعد ماتكون عملت الصفقات الكافية تقدر تراجعها وتحسب نسبة الربح بتاعتك واقصى عدد مرات خسرت فيها ورا بعض وتبدء تطور نظام معين لزيادة اللوت بس فى الغالب الطريقة دى محتاجة احترافية اكتر والمام باللى بتعمله والا هتتمرجن بسرعة البرق لو مش حاسب اسوء سيناريو ممكن يحصل
الطريقة التالتة بعض الناس اما السعر يضرب الاستوب بتاعهم بيدخل فى الاتجاه المعاكس يعنى لو دخل بيع واستوبه اتضرب بيدخل شراء وده طبعا على حسب خبرة المتداول ونوعية الاستراتيجية