السلام عليكم
من الاخطاء الموجوده فى التداول الاعتماد على فكرة عودة السعر لنقطة الدخول مره اخرى
الفكره منتشره كتير بين المبتدئين خاصه
لكن انا بشوف انها فكره خاطئه ومرفوضه لسببين
الاول ان عودة السعر لنقطة الدخول او حركة السعر بشكل معين كلها افكار خاطئة تماما ومفيش اى توقع فى السوق مضمون بنسبة 100% وبالتالى ممكن تستمر فى صفقه لشهور بدون ميرجع السعر لنقطة الدخول وتنتهى بخسائر اكبر
ثانيا ليه احجز راس مالى فى تداول لشهور مع انى ممكن اتقبل خسارة بعض النقاط الان واعطى فرصه لاستثمار راس مالى فى فرص اخرى هتعوضلى الخساره الاولى وتحققلى ارباح جديده
ياريت اسمع ارائكوا فى الفكره عموما ولو حد ليه تجربه فى ترك الصفقات مفتوحه لحد رجوعها لنقطة الدخول يقول انتهت على ايه وشايفها كانت تجربه ناجحه ولا لا