التحليل الفني واهم فرص البيع والشراء لازواج العملات التقاطعيه من يوم 22 وحتي 26 ابريل

[DrMaged]

الاسترالى كندى قرر انه ياخد المسار الهابط بدون الصعود لاختبار مستوى المقاومه 0.9614 وتم كسر الدعم الضعيف عند المستوى 0.9552 وحاليا السعر متمركز تحته , اختيار الهبوط كان متوقع لكن كنت ميال اكتر لسيناريو الصعود وكسر المقاومه العليا زى ما ذكرت فى اخر تحليل ليا على الزوج ده الا ان الهبوط فى حد ذاته كان احتمال من ضمن الاحتمالات اللى نسبتها كانت قويه بالتالى الزوج دلوقتى الطريق قدامه مفتوح لزياره دعم مهم جدا عند 0.9416 , فى حالة كسر الدعم ده هنلاقى الزوج بينتقل لدعوم ابعد ممكن توصل ل 0.9350 بالتالى فى حالة استمرار الزخم البيعى القوى جدا على الزوج فى الوقت الحالى مش مستبعد نشوف السيناريو ده بيحصل خلال فترة الاسبوع الحالى

[DrMaged]

الباوند استرالى الحمدلله مشى على حسب التوقع وقدر انه يصعد بشكل نسبى من سعر الاغلاق هو حاليا عامل 40 نقطه من سعر الافتتاح اللى وصيت من خلاله بالشراء وهو كذلك كسر خط الترند الحاد نسبيا اللى كنت راسمه تحت وفوق مستوى الدعم 1.8092 , بالتالى فى حالة لو استمر الزخم الشرائى والاسترالى بشكل عام استمر فى الضعف هنلاقى الزوج بيصعد لمقاومات ومستويات قويه جدا زى ما قولت اهمها او الهدف الاساسى بالنسبالى هيكون زيارة منطقة المقاومه الموجوده بين المستويين 1.8488 و 1.8521 وطبعا فى حالة الكسر هنلاقى الزوج بيتجه لمستويات مقاومه اعلى الا ان هيكون الصعود فى رايى اصعب من الصعود الحالى نتيجه لوجود عدد اكبر من المقاومات عكس الحال دلوقتى

[DrMaged]

النيوزلندى كندى كنت قولت انه اذا اراد الصعود جديا فعليه انه يبدأ الأمر مع افتتاح السوق ويعمل اشاره او برايس اكشن قوى يقدر من خلاله يدى انطباع بالصعود وان اى هبوط عليه حتى لو كان اقل من متوسط القوه هيكون مش مسموح ومن الواضح ان الزوج اختار الحل التانى وهو الهبوط وحاليا بالفعل هو قريب جدا من المستوى 0.8908 واللى كانت بتعتبر نقطة الانطلاق بالنسبه للزوج لعمل اتجاه صاعد قوى , حاليا بنسبة 90 % هيتم كسر المنطقه ديه والاستقرار تحتها لزيارة دعوم جديده او اختيار منطقه افضل لبدأ الصعود اما نسبة ال 10 % المتبقيه تتمثل فى اعادة اختبار النقطه من جديد وبدأ الصعود مباشرة منها لكن طبعا هيكون شئ مش سهل انه يحصل , لكن مش مستحيل

[DrMaged]

الباوند فرنك بدأ محاولات الهبوط على استحياء , كنت قولت انه بيحاول لكن لحد اللحظه لسه موصلش لليقين فى رأيى وان كان كسر خط الترند الصاعد اللى انا راسمه لكن برضه على استحياء , بشكل عام هو حاليا لو اعتبرنا الكسر ده يرقى لمستوى كسر خط ترند فاحنا دلوقتى فى الشمعه الصاعده الحاليه نقدر نقول اننا بنشهد اعادة اختبار لخط الترند المكسور , لكننا مازلنا فى الاتجاه العرضى مخرجناش منه تقريبا بالتالى لازم الزوج يعمل برايس اكشن قوى يكون عباره عن شمعه هابطه قويه نقدر من خلاله نجزم ان الزوج بدأ رحلة الهبوط
اللى المفروض تستهدف مستوى الدعم الموجود على فريم الدايلى 1.2913 مع العلم ان الزوج برضه لازم ميصعدش اكتر من اللازم ويستمر تحت المقاومه 1.3205

[amedz]

تحليل زوج النيوزلندي دولار على فريم الاربع ساعات
وقد كسر الزوج القناه السعريه الهابطه على فريم 4 ساعات كما ان
الزوج قد كسر دعم مهم عند مستوى 0.6692 واعاد الزوج اختبار الدعم
المكسور
و الذي تحول الى مقاومه قويه للزوج اتوقع للزوج استمرار الهبوط خلال تداولات
هذا الاسبوع حتى يصل الى الدعم الاخر عند مستوى 0.66522 وهذا شارت مرفق يوضح اتجاه الزوج

[Midoo55]

بسم الله الرحمن الرحيم تحياتي لجميع الاعضاء المحترمين اتمني ان تكونو بصحه جيده واتمني ان يكون هذا الاسبوع مليئ بالارباح ان شاء الله ومازلنا مستمرين في تقديم اقوي التحليلات الفنيه للأزواج التقاطعيه ومعايا الان زوج الاسترالي نيوزلاندي فريم الاربع ساعات
فالزوج علي الفريم اليومي اغلق شمعه يوم اعلي مستوي موفينج افريدج 200 ولكن الزوج لديه مقاومه قويه جدا وترند قوي علي الاسبوعي نتوقع الهبوط التصحيحي من الان الي مستوي 61 فيبوناتشي من اخر موجه صاعده كسرت موفينج 200
مركز الخليج

[DrMaged]

الاسترالى نيوزلندى فى رايى يعتبر فى وقت مثالى لبدأ الهبوط اللى كان مؤجل زى ما وضحت قبل الافتتاح , الزوج حاليا ادى برايس اكشن يعتبر جيد عباره عن بعض الشموع الهابطه بالتالى اصبح الاتجاه الهابط للزوج حاليا شبه رسمى مادام الزوج تحت مستوى المقاومه 1.0730 , طبعا فى حالة الهبوط من الممكن الزوج يواجه مجموعه من التصحيحات لكنها تصحيحات مش هتكون قويه بشكل كافى لتغيير المسار والزوج هدفه الاساسى زى ما كنت وضحت لازم يكون عند مستوى الدعم 1.0430 لأن ده يعتبر أقوى مستوى دعم فى مسار رحلة الزوج الهابطه وده هيكون برضه افضل نقطه لحجز ارباح حتى لو تم الكسر واستمر الهبوط من بعده

[amedz]

تحليل زوج الباوند استرالي على فريم اليومي
وبعد ان كسر الزوج الترند الصاعد هبط الزوج بقوه وكسر دعوم
مهمه وقويه وقد كسر الزوج الدعم المهم عند مستوى 1.8259
ثم وصل الزوج الى الدعم الاخر عند مستوى 1.8085 وصعد منه
الزوج اتوقع للزوج الصعود الى المقاومه المهمه عند مستوى1.8259
ثم يستكمل الزوج الهبوط مره اخرى حتى يصل الى الدعم الاخر
عند مستوى 1.7834 على المدى البعيد
وهذا شارت مرفق يوضح اتجاه وسير الزوج

[alaa50]

زوج النيوزلاندى ين على شارت 4 ساعات
يبدو ان الزوج يستعد لموجه هابطة جديدة حيث كان يتداول فى منطقة عرضية اسفل خط الاتجاه الهابط والان ينجح السعر فى كسر الحد السفلى لتلك المنطقة العرضية وبالتالى هى اشارة جيدة لاحتمالية البيع
حيث يمكن دخول البيع الان بهدف الوصول الى مستوى الدعم 73.50 مع وضع وقف خسارة اعلى مستوى74.73 لتجنب عودة السعر لاعلى مرة اخرى

[mah2020]

[B]بسم الله الرحمن الرحيم
والصلاة والسلام على روسول الله
أسعد الله صباح الجميع
اعزائي اعضاء هذا المنتدى اخواتي الكرام سأقوم بتحليل لمؤشر الداو جونز والتي يتضمن تحليلا للازواج والذي اتمنى ان يلقى تفاعلا كبيرا من طرفكم وفقنا الله جميعاً
التحليل الفني رأيي نظرة فنية وفرصه علي لمؤشر
الداو جونز لا يزال يحافظ على اغلاقات 4 ساعات اعلى 26494 في اشارة لرغبة بالصعود لاحقاً
لذلك اذا بقي السعر اعلى هذا المستوى سيبقى الامل مفتوح باستهداف المقاومة التالي على 26970 يفشل سيناريو الصعود بحالة الفشل بالثبات اعلى 26490 مع اغلاق 4 ساعات ادناه


[/B]