الباوند فرنك نقدر نقول انه بدأ محاولات اختبار امكانية بدأ اتجاه هابط قوى جدا لكن على استحياء , حاليا الترند الصاعد فى مرحلة منقدرش نقول انها مرحلة ضعف قد ما هى مرحلة تهدئة أوضاع , حاليا الزوج تحت مقاومه ممتازه جدا 1.3205 لكنه ماشى على خط ترند صاعد ممتاز جدا وبميل رائع لكن طبعا زى ماحنا شايفين فى اخر كام ساعه كان الاتجاه عباره عن اتجاه عرضى لذلك , اذا كان فى نية الزوج الهبوط فالخط ده اولا لازم يتكسر كسر محترم والسعر يستقر تحته فى نفس الوقت المقاومه 1.3205 مينفعش بأى حال من الأحوال ان السعر يتخطاها واعتقد فى حالة تحقق السيناريو ده وبداية اتجاه هابط هيكون قوى جدا ومربح جدا لأن اول دعم حقيقى ممكن يرد الزوج موجود عند النقطه 1.2913 بالتالى هتكون حركه قويه جدا للزوج