فى احدى المناقشات مع بعض المتداولين فاجئنى احدهم بنصيحة لاخر وهى ان يبحث عن استراتيجية جيدة ويترك وقف الخساره
كانت شكوى المتداول الاخر انه بيتعرض لوقف الخساره كتير ويبحث عن حل
الحقيقه انى ضد النصيحه دى تماما
وقف الخساره هو المنطقة اللى انت بتعترف فيها بخطأك فى التحليل وبتكرر تتخلى عن الصفقه باقل خساره
التشجيع على التخلى عنه معناه ان كل صفقه خاسره انت هتسيبها لحد متمرجن حسابك كله ودا منطق مش ناجح ابدا
فكرة اختيار استراتيجية افضل فهى اكيد مطلوبه ومطلوب تطوير طريقتك فى التداول لكن مش معنى كدا انك تتخيل ان الاستراتيجيه الافضل هى الاستراتيجية اللى مبتخسرش لان مفيش حاجه اسمها استراتيجية مبتخسرش ولازم يكون عندك دائما احتمال للخساره وعلى اساسه تختار وقف الخساره