السلام عليكم و رحمة الله و بركاته
حبيت اتناقش معاكم في نقطة مهمه جدا وعامل رئيسي من عوامل النجاح و الفشل في هذا المجال وهي السبب الرئيسي في ضياع الاموال ويأس وتحطم امال الكثير
احنا بنتعامل مع اقتصاديات العالم , يعني تقريبا بندرس سلوك 8 مليار بني ادم , حبيت تكون دي البدايه عشان اظهرلكم ضخامة وعظمة السوق الي انت بتتعامل معاه , وأأكد على ان سوق بالضخامه دي اكبر من اي حد مهما كان محترف او متمرس , وبالتالي النقطة المهمه الي حابين نتكلم فيها هي ادارة راس المال وعدم المخاطره باكثر من 1% في الصفقه الواحده عشان تقدر تتغلب على الاخطاء الوارده وتحول خسائرك الواردة لمكاسب
ثانيا : لازم تحترم االسوق عشان يحترمك وتديله مساحه للتذبذب يتحرك فيها لا تقل عن 150 نقطة صعودا وهبوطا عشان تقدر تحكم على صفقتك اذا كانت ناجحة او فاشلة , وده حضرتك مش هتقدر تعمله الا بادارة راس مال
ما ينفعش تتمرجن من 30 نقطة ااو حتى 100 نقطة وترمي اللوم على السوق او البروكر او صاحب توصيات , كده حضرتك تبقا بتستهبل وبتستهين بالسوق او بتتفاخر بقدرتك على السوق وفي الحاله دي السوق هيهينك
ثالثا واخيرا : مفيش حد مهما كان محترف او متمرس بيكسب على طول من غير خسارة , ومفيش حد مهما كان محترف او متمرس بيدخل كل صفقاته بصفر انعكاس , ولو في حد عنده المقدرة دي , كان كل الناس ريحت نفسها من وجع القلب ده وراحت استثمرت فلوسها معاه , وكان الكل اصبح كسبان ومحدش خسران خالص
لا يغير الله ما بقوم حتى يغيروا ما بانفسهم
غيروا من سلوكياتكم الخاطئة تستقيم لكم الامور
بالتوفيق للجميع