Thread: 
Subscribeوصلتني رسائل من بعض الأصدقاء وتوقعات بإن الدهب صاعد مستشهدين بنتيجة مؤشر مديري المشتريات الصناعي ism الامريكي الي ظهرت نتيجته أمس بــ 47.8 ومستشهدين كمان بإن الكلام ده محصلش من شهر يونيه 2009 .. حلو اوي ????
بالفعل له تأثير وحصل بس خد بالك من حاجه مهمة أوي ، الدهب رغم انه صعد مع الخبر مقدرش يرتكز فوق منطقة الطلب الي حدودها عند 1488.00 بالذات ان المنطقة دي كان الدهب بيتأثر بيها مع كل هبوط ويرتفع وتم كسرها بالتزامن مع كسر ترند يومي صاعد قوي جدا جدا.
انا مش ببرر الهبوط انا بلفت نظرك لضعف احتمالية صعود الدهب في الوقت الحالي
في مقولة مشهورة بتربط بين التحليل الفني و الاساسي وهي " ان الوقت أهم بكثير من السعر " ✅
معنى الكلام ده انه لما يجي وقت معين هينعكس السعر وبمعنى آخر فكرة انك تصنع تنبؤ للدهب بناءً على الوقت اهم بكثير من صنع تنبؤ للدهب بناءً على السعر
الي عاوز اوصلهولك ????... انه اه كلنا عارفين ان الدهب هيصعد وعارفين انه الملاذ الأمن في ظل العك الي بين امريكا والصين وعارفين دماغ ترامب وفاهمين سياسة الفيدرالي بس زي ما قولتلك صعب جداً تحدد انعكاس الدهب بناء على مستويات سعرية في الفترة الحالية والي أي مدى هيوصل انعكاسه ، في حين انه من السهل انك تتنبأ بهبوط الدهب الى مناطق الـستينات والخمسينات ( وهو ده الاقرب ) لحد ما يجي الوقت المناسب للإنعكاس والبدء بالصعود والخطوة دي متوقفة على احداث وقرارت جاية لسه
