السلام عليكم ورحمة الله وبركاته
طبعا السوق فتح من ساعه تقريبا والافتتاح كان عادى جدا ومفيش اى جابات زى ما كان متوقع من بعض التجار خصوصا على الباوند يعنى معرفش الحقيقه ايه سبب توقع بعض الناس بحدوث جاب هابط على الباوند , على كل حال ازواج الباوند ماشيه فى ترند صاعد جيد جدا لحد اللحظه وبرجح استمراره على معظم الأزواج عالأقل خلال الاسبوع الحالى
اللى مش واضح نسبيا هو بعض ازواج النيوزلندى زى النيوزلندى فرنك , الزوج حاليا محصور ما بين مستوى مقاومه بيتمثل فى 0.6329 ومستوى دعم بيتمثل فى 0.6218 , المسار الحالى للزوج مش واضح حاليا لكن كسر واحد من المستويين دول هيكون المفتاح للاتجاه الجديد لأن فى حالة كسر المقاومه هيتجه للمستوى اللى بعده عند 0.6404 وهيكسرها بحيث يكمل صعود لفوق ال 0.6500 اما لو كسر الدعم فهيتجه للدعم 0.6191 ومنه ممكن يتفتح الطريق ل 0.6000 بالتالى احنا فى المنتصف ما بين 250 نقطه صعود مهمين جدا او 250 نقطه هبوط على نفس درجة الأهميه برضه