السلام عليكم ورحمة الله وبركاته
قربنا للمنعطف الأخير من السنه يعنى احنا حاليا فى منتصف شهر 11 وقريبا هتطلع توصيات بضرورة او ترجيح عدم المتاجره خلال شهر 12 لكن انا مازلت عند رايى ان المتداول لازم يتعود على التداول تحت اى ظرف سواء فى ديسمبر او نوفمبر او يناير او اغسطس
هبدأ ان شاء الله بتحليل اليورو استرالى , اليورو استرالى مازلت شايفه فى مسار هابط يعنى فى رايى ان الصعود اللى حصل مؤخرا على الزوج ده صعود تصحيحى لأن الزوج هبط مسافه كبيره وبعد كسر مستوى الدعم 1.6094 كان من الضرورى انه يريح شويه بالتالى كان من الضرورى للزوج انه يصعد بعض النقاط بحيث يختبر او يلمس مستوى الدعم 1.6094 اللى اصبح حاليا مقاومه لذلك فان شاء الله بتوقع استمرار الهبوط خلال الفتره الجايه والثبات تحت الدعم 1.6094 مع احتمالية الوصول لمستوى الدعم 1.5890