الفكره فى عدم التوقف هى عدم اليأس لكن مينفعش تكرار التداول تحت نفس الظروف لأن ده معناه استمرار الخساير ودايما فيه قاعده او مقوله اعتقد اينشتين قالها ان تكرار نفس الشئ تحت نفس الظروف هيؤدى لنفس النتيجه ومينفعش اطلاقا انتظار نتائج مختلفه , بالتالى فى حالة تعرضك لمجموعه من الخسائر الصح انك تاخد هدنه الهدنه ديه تراجع فيه سجل خسايرك وخطواتك اللى انت عملتها على اساس تشوف ايه الشئ الغلط اللى انت عملته ومتكرروش تانى بالتالى لما تيجى ترجع فانت هتكون تخطيت او عالجت الأمر بشكل جيد فعلى الأقل لو انت تعرضت لخساير جديده هيكون السبب مختلف وهكذا تستمر انك تعرف ايه اسباب خسارتك وتتفاداها بحيث فى الاخر توصل لطريقة شغل ناجحه