السلام عليكم ورحمة الله وبركاته
ان شاء الله فى الموضوع ده ومع افتتاح السوق من دقايق هحاول اتكلم عن حركة اغلب الأزواج المتوقعه النهارده كذلك السلع والمؤشرات والمعادن المهمه ولو حد حابب تحليل عن زوج معين ياريت يطلب فى اى تعليق او حتى فى رساله كذلك اللى بيعرف يحلل اى زوج وعنده وجهة نظر جيده يكون مسؤول عن نتيجتها بحيث ميورطش المتابعين ياريت يتفضل يشارك
ان شاء الله هبدأ بالنيوزلندى دولار , هو من الواضح عامة ان فيه حاله من القوه على الدولار قدام معظم العملات ده شوفناه مع نهاية الأسبوع اللى فات بعد مرحله من التذبذب يعنى شوفنا هبوط لليورو وللاسترالى كذلك الباوند مقدرش انه يكمل ويوصل ل 1.3000 زى ما البعض توقع لكن اللى مسك نفسه نسبيا وطلع بأقل خساير ممكنه هو النيوزلندى فلو احنا بصينا على الشارت هنلاقى نفسنا قدام مجموعه من الدعوم والمقاومات على مسافات قريبه نسبيا من بعض , لكن بما ان حاليا فيه قوه للدولار كذلك شمعة اخر يوم فى الاسبوع اللى فات قفلت بشكل هابط جدا فشخصيا برجح ان لازم لازم يتم اختبار مستوى الدعم 0.6376 ده فى رايى شئ مفيهوش فصال او لابد انه يحصل لذلك نقطة الانطلاق فى رايى هى مش اغلاق الاسبوع الماضى ولا افتتاح الاسبوع الحالى لكن هتكون نقطة مستوى الدعم 0.6376 لأن بناء على سلوك السعر وقت ما يوصله ان شاء الله هنقدر نحدد هل هيتم الكسر ويبدأ الانهيار الفعلى للنيوزلندى ويكمل لحد الدعم 0.6334 ولا هيستمر الصمود والدعم هيقدر يرد الزوج للأعلى ويكمل الاتجاه الصاعد اللى كان بادئ عليه , وربنا يوفق الجميع