اللوت الصغير افضل حاجة فى الفوركس حرفيا
مش عشان هو بيحافظلك على الحساب بس لا
عشان بيخليك ملك ، تعمل الى انت عايزه وقت منتا تعوز و مفيش تأثير قوى عليك حتى لو انت دخلت غلط
دايما هتلاقى مخرج ليك
عمرك ما هتستمتع بالفوركس الا لو اشتغلت بلوت صغير لانك هتحس انك بتجارى السوق صح
و بتلعب معاه زى مهو بيلعب معاك
و على فكرة تقدر تكسب فى وقت صغير بلوت صغير بس عايز واحد متفرغ و مركز
إنما أنا بشفق على الناس إلى بتدخل بلوت كبير طول الوقت ... بيكسبوا ؟ اه بيكسبوا و بيكسبوا مبالغ ضخمة و من خضة الرقم بيقفل الصفقة على الربح الى هو شايفه كبير برغم أنه متأكد أنه هيكمل لكنه هجبه منظر الربح
و هتعجبه الحكاية و هيجرب تانى بلوت كبير و هيخسر تانى و هيتمرجن بسرعة و هيكره نفسه و هيكره الفوركس
من وجه نظرى افضل لوت هو عشرة سنت على كل ١٠٠$
يعنى معاك ٣٠٠$ ادخل ب ٣٠ سنت معاك ٥٠٠$ ادخل ب ٥٠ سنت ... اقل من كده مش هتنمو بسرعة و اكتر من كده هتخاطر بحسابك و هتسيب نفسك للمجهول و الصدف !
إنما إلى بيكسب كتير بلوت صغير هو دا فعلا الملك ، لمثل هؤلاء يوجد الفوركس للناس إلى عارفه اللعبه ... الفوركس زى الشطرنج ذهنك فيه هو القاعدة و اللاعبون و اللعبة بأكملها ، فافهم و الا فإنك ابله فى تمام الساعة الواحده ! ، لو عرفت تغير من تفكيرك ، و تخليك منظم ... لازم هتكسب ... النصر دايما للمنطق و للقاعدة مش الصدف و المقامرة !
بالتوفيق للجميع