فين حقوق الاعضاء

[theprof]

السلام عليكم ورحمه الله وبركاته
معلش عايزين توضيح بسيط بس كدا من الاداره او من اي عضو .دلوقت انا المفروض المسابقه تيجي ٧٧ دولار وصلني المنصه ٧٠ دولار فقط.طيب ال٧ دولار دول راحوا فين ولصالح مين.

ادي قيمه الجايزه المحدده




ودا اللي وصل المنصه

[Midoo55]

ياجماعه انا المفروض حصلت علي جائزه ٤٦ دولار ولم يصلني الا ٣٦ دولار فقط
عاوز اعرف ال ١٠ دولار دول راحو فين ولمين
ياريت حد يرد ويفهمني ياجماعه
احنا المفروض بنتعامل مع شركه محترمه ليه دا بيحصل

[mido elshabrawy]

السلام عليكم و رحمه الله و بركاته
يا جماعه شكل ده حصل مع الكل مش معاكو انتو بس
هو حاجه من الاثنين لا أما نتيجه المسابقه الي وضعت في المنتدي هنا خطأ او في خطأ في التحويل
و زي ما قلنا هو أحتمال كبير ان النتيجه الي وضعت في المنتدي هي الغلط
انا كمان لو علي نفس نتيجه الجوله السابقه المفروض انهم 232.5 دولار لكن وصل المنصه 168.43
انا مش فارق معايا المبلغ كام علي قد ما هو فارق معايا الصح فين
الصح الي أتكتب في المنتدي و لا الصح الي وصل للمنصه لان كدا الموضوع بقي محير و مش عارفين مين راج فين
طيب احنا كدا عرفنا اننا وصلنا جائزه طيب الناس الجديده الي اشتركت الجوله الي فاتت و اساميها منزلتش في الترتيب يا ترا هما كمان وصلهم نصيب من الجائزه
و لا زي ما اتنسو في الترتيب انتنسو في التحويلات و لا ايه بالظبط
تقبلو مروري و بالتوفيق للجميع ان شاء الله

[alym]

اخي الفاضل للاسف الشديد نتيجه هذه الجوله بها ظلم كبير للعديد من الاعضاء وخصوصا الاعضاء الذين
قد اشتركوا في مسابقه الجوله الثامنه حيث انني في الجوله السابعه كانت مشاركاتي قليله وحصلت على 9 دولارات
ولكن في هذه الجوله قد قمت بعمل 250 رد وكل الردود كانت اكثر من 500 حرف ومع ذلك حصلت على 10
دولارات رغم ان الردود التي قمت بها لا يوجد بها اي رد منسوخ ورغم ذلك حصلت على هذا المبلغ الضعيف
واذا تحدثت مع احد من المشرفين سوف يقول لك ان السيستم هو الذي يضع البونص كيف يعرف السيستم اذا كان
الرد ذو قيمه او انه رد ليس له اي فائده هل هذا السيستم يعرف الردود الجيدة اذا كان السيستم بهذا الذكاء الخارق
فلماذا لا يقوم هذا السيستم بمعرفه الاعضاء الذين يقومون بالنسخ يالتلكيد ان مديرى المنتدى هم الذين يضعون بونص
المسابقه او البونص الشهري و لذلك نرجو توزيع البونص بالعدل على الاعضاء سواء كان فى المسابقة او البونص الشهرى
وان ياخذ كل عضو حقه الذى يستحق لان المنتدى الان اصبح للاسف الشديد يوجد بها العديد من المخالفات ورغم ان هناك
اعضاء كثيرون يقومون بالنسخ مع ذلك يحصلون علي بونص كبير ولكن وفي نفس الوقت الاعضاء الذين لايقومون بالنسخ
لا يحصلون على اي بونص في المسابقه او حتى البونص الشهري لذلك نرجوا الرد من المشرفين على كل هذه الاستفسارات
ودى صورة بونص المسابقة

[Ayman Abdellatif]

اللى وصل الاعضاء هو فعلا نتيجة الجولة الثامنه انما ما سبق الاعلان عنه كان خطاء و اعلن نتيجة الجولة السابعة
مرة ثانية بدل الثامنه و كل واحد يقدر يتاكد من مجموع اللى حصل عليه من كل الجولات من خلال النتائج و يجنب الجولة الاخيرة
و يجمع يطرح المجموع من البونص يطلع له الفارق بقيمة الجولة الثامنه يعنى ادخل على صفحتك الشخصية فى المنتدى و اختار
احالات و انزل تحت تلاقى احصائيات دى بتقولك كل المبالغ اللى حصلت عليها من المنتدى خلال فترة عملك فيه شاملة البونص
و المسابقة عندك رصيد البونص تقدر تعرفة من العداد اللى تحت صورتك و تجمع عليه اللى وصلك فى الجولات السابعة و تطرح منه المجموع
اللى ظهر لك فى الاحصائيات تطلع النتيجة الخاصة بالجولة الثامنه مش معقولة يعنى يكون نتيجة الجولة السابعة هى هى الجولة الثامنة
امر مش منطقى يعنى فى نسا مشتغلتش فى الجولة الثامنة و اشتغلت فى السابعة تحصل على مكافئة بناء على اية و العكس فى ناس اشتغلت
فى الجولة الثامنة و لم تشتغل فى الجولة السابعة متحصلش على مكافئة ليه اللى وصل هو فعلا يخص الجولة الثامنة و اللى نشر خطئ من الادارة
مش اكتر ، اتمنى للجميع التوفيق فى الجولة التساعة باذن الله

[snnaky]

القصة مش فى الكتير والقليل ولا فى اى حصل غلط لأن على الرغم من ان دة شيء وحش جدا الا انة الخطأ وارد لكن المشكلة الكبيرة ان مافيش حد من المسؤلية بيعبر حد وكأننا بنتكلم مع نفسنا بس

[mogamal]

لقد تم الاعلان عن الفائزون والنتيجه كانت حصولي علي 13 دولار وما وصلني هو 4 دولار وللعلم النتيجه لان قمت بعمل مشاركات كثيره وفي النهايه احصل علي البونص الضعيف نتمني المساعده من المشرفين والمدرين وهذه صوره بالبونص

وهذا بونص المسابقه المعلن

[walkerwalker]

السلام عليكم ورحمة الله وبركاتة فعلا الكل بيشتكى من الموضوع دا وكمان فى ناس كتير بتشتكى من البونص وعدم تواجد المشرفين والرد على اسئلة الاعضاء فلماذا كل هذة الشكوى ولا يوجد اجابة من احد من المشرفين او حد يفهنا ماذا يحدث ولا هو احنا نشتغل فى المنتدى ومش فاهمين الى بيجى لية والخصم دا لية والبونص لية جاى المبلالغ دى طبعا احنا لو بنتكلم لا ن المنتدى كلنا نريد ان يكون فى تقدم لان المنتدى اما يبقى فى تطور كلنا طبعا هنبقى مستفدين ولاكن لماذا كل هذا الصمت على تساؤلات الاعضاء نريد رد واضح وصريح على تساؤلات كل الاعضاء خصوصوا ان ى اسئلة كتير متكررة يعنى الرد عليها اعتقد هيبقى سهل فياريت يبقى فى رد على التساؤلات وعلى شكاوى الاعضاء من البونص وعلى الاعضاء الى بتقول ان وصلهم بونص فى المسابقة اقل من الى مكتوب فى المنتدى واى اسباب هذا الامر

[Smart]

انا ارسلت للمختص بالمسابقات ومنتظر رده

[a_hessen]

اخي اسمارت لقد تم اعلان المسابقه وانا حسب الاعلان سوف اتحصل علي ١٠٣.٤٥ دولار
والذي وصلني علي المنصه ٧٠ دولار
شكرا لاهتمامك