السلام عليكم ورحمة الله وبركاته
فى محاولة لاحياء قسم الاستراتيجيات زى ما الحمدلله فى قسم من الأقسام اصبح حديث المنتدى عموما فان شاء الله قررت افتح الموضوع ده يكون بنظام ورشة عمل لاكتر من استراتيجيه ممكن اننا نشتغل بيها والهدف بشكل عام انى اتمنى مشاركه من اللى عندهم استراتيجيات معينه يقدروا يفيدوا بيها ويوضحوا طرق الدخول من خلالها وبتعتمد على ايه بحيث نجاح الورشه يكون قائم على وجود اكتر من فكر واكتر من طريقة يمكن من خلالها نقدر نوصل لاستراتيجية تكون مجمعة او خليط ما بين اكتر من فكر يكون ليها نتايج قويه وملموسه بالتالى زى ما قولت اللى عنده استراتيجية معينه او طريقة شغل ايا كانت ياريت يعرضها معانا هنا وينزلنا تحاليل او صفقات بناء على استراتيجيته
بالنسبالى انا بعتمد اكتر شغلى على الدعوم والمقاومات واعتقد الحمدلله اللى تابعها معايا ممكن يكون عنده علم ان بيبقى فيه توفيق كبير من خلالها واوقات بضيف ليها بعض المؤشرات او الملحوظات اللى تطور منها زى مثلا اعتمادى على وجود الموفينج افريج 200 لتحديد الاتجاه العام للزوج وكذلك مدى خطورة فتح صفقه عكس اتجاهه
لو طبقنا مثلا المبادئ ديه على اليورو دولار , هنلاقى ان اليورو دولار قدر دلوقتى انه يكسر مستوى المقاومه 1.1110 بشكل تام على فريم الاربع ساعات وقدر انه يثبت اقدامه فوق مستوى الموفينج افريج 200 بالتالى مع وجود زخم شرائ قوى على اليورو فانا بتوقع ان الزوج هيتجه لمستوى المقاومه اومنطقة المقاومه ما بين 1.1165 و 1.1179 لكن توقعى هو الارتداد , لأن المقاومه ديه مقاومه اسبوعيه وكذلك شهريه وشخصيا بتوقع ان اليورو دولار يقفل السنه بشكل عام بمسار هابط ويفتتح السنه الجديده بذيل هابط يوصل مبدئيا للمستوى 1.0800 ويمكن يكمل لما تحت 1.0700 قبل ما يرتفع مره تانيه ويطلع ل 1.1500 على الاقل يعنى ده كمان تصورى لحركة اليورو السنة الجايه ان شاء الله