اولا زى ماحنا عارفين ان سوق الفوركس سوق شرس جدا وصعب جدا وان حد يقدر يصطاد نقاط منه وانه يقدر يبتعد عن الخسارة الى حد ما يعتبر نجاح كبير
واى شخص يعتقد ان الفوركس هو مصنع الاموال وان فى ظرف شهرين تلاتة الواحد هيبقى عمل الاف الدولارات
ده وهم وخيال ومستحيل يحصل وكلنا كنا فاكرين كدة قبل عملنا فى السوق
فعشان نقدر نبدأ بداية صحيحة فى السوق ونقدر بالفعل نحقق مكاسب لازم ننتبه للعديد من النقاط الهامة وهنتكلم فى كل واحدة بالتفصيل
نقاط بداية اى صفقة هى نفسها نقاط بداية العمل فى الفوركس وهى تتشابه سواء فى العمل فى الفوركس من البداية او كبدء صفقة هى
1-البحث عن اسلوب للتداول جيد وناجح وفهمه ودراسته جيدا
2-تطبيق ماتعلمناه على حساب تجريبى
3-توفير راس مال جيد
4-الاهتمام بادارة راس المال بشكل صارم
5-بداية فتح حساب حقيقى وتطبيق طريقة العمل عليه
6-محاولة تطوير اسلوب عملنا وابتكار طرق مهجنه من اسلوبنا الخاص
اول نقطة وهى البحث عن اسلوب تداول جيد
طبعا لازم هنتعب فى البداية جدا وهنفضل نبحث كتير جدا عن الوسائل المختلفة للتداول ونشوف افضلها واكثرها فعالية فى السوق
ودايما لكل مجتهد نصيب لان ال هيجتهد ويتعب هيوصل فى النهاية ان شاء الله لاسلوب تداول ناجح يقدر يكسب بيه
وانا شخصيا فضلت ابحث عن اسلوب للتداول لفترة طويلة جدا لحد مكتشفت ان التحليل الكلاسيكى افضلهم واقوى تحليل من وجهة نظرى
بعد مستقرينا على اسلوب التداول هنحتاج طبعا ننا نجرب الاسلوب ده على ارض الواقع ونشوف هل هو قوى بالفعل فى التطبيق العملى ام لا
هنقوم بفتح حساب تجريبى وده بيتوفر فى اى شركة فوركس طبعا وهو عامل اساسى فى العمل بالفوركس وبدونه مش هنقدر نتعلم ابدا والا هيكون تعلمنا عبارة عن خسارة اماولنا الحقيقية
هنجرب الطريقة بنفس الطريقة ال اتعلمناها ونطبقها مع فرص السوق فى ظل ظروف السوق المختلفة
وفى النهاية نحسب نتايجها فى الشهر مثلا حققت ربح قد ايه من راس المال
لو اثبتت نجاحها يبقى هنكمل بيها الشغل ونعمل بها على حساب حقيقى
بس عشان نفتح حساب حقيقى لابد وان يتوافر لنا راس مال كبير يحقق ربح جيد
وانا شايف ان راس المال الجيد يكون من مبلغ 500 دولار الى 1000 دولاريكون مبلغ جيد ونقدر نحقق منه ان شاء الله ارباح مرضية وبدون مخاطرة
بعد توفير راس المال وقبل منفتح الحساب الحقيقى لازم نركز على نقطة هامة جدا قد تكون اهم من توفير راس المال
وهى ادارة راس المال فى ناس كتيرة مش بتهتم بالموضوع دهولما يخسروا بيبقوا محتارين هما خسروا ليه
السبب هو ادارة راس المال واهمالها من قبل البعض
ادارة راس المال هى التنظيم والتخطيط لكييفية العمل براس المال والدخول بدون مخاطرة وهل راس المال يتحمل كم صفقة
ويتحمل حجم لوت قد ايه
ولو حدثت انعكاسات هنقدر نتصرف ازاى
كل ده يندرج تحت بند ادارة راس المال والاهتمام بها بشكل صارم بالتاكيد هيخلينا نحقق ربح جيد مع حفاظنا على راس مالنا من الضياع
وبعد كدة نفتح حساب حقيقى ونطبق عليه اسلوب تداولنا ال اتعلمناه مع الحفاظ على ادارة راس المال ساعتها هنقدر نوصل لمعادلة المتداولين الناجحين لاننا هنحقق ربح جيد بمشيئة الله وهنحاول الابتعاد عن الخسارة بقدر الامكان ونحافظ على راس مالنا
اكيد مش هنقف محالك سر ونفضل كدة كل شخص مننا بيبقى عاوز يحسن من نفسه ويزود ارباحه ويا اما نزود راس مالنا وينتج عنه زيادة الارباح او نحاول اننا نطور من ادائنا واسلوبنا فى التداول باضافة مؤشرات او طرق اخرى لطريقتنا الاسااسية تخلينا نجنى ارباح اكبر وحبنا لسوق الفوركس وخبرتنا به اكيد هيخلينا نبتكر طرق واساليب جديدة للتداول تلقائيا بالصدفة
اخر نقطة الحذر من التسرع والطمع قبل الدخول فى صفقة
لازم ننتظر اتمام شروط الاستراتيجية او الاسلوب الذى نعمل به ويتحقق كاملا وعندها نبدا فى دخول الصفقة
ونبتعد عن الطمع لانه اهم عامل فى خسارتنا ومرجنه حساباتنا
وبالتوفيق للجميع