السلام عليكم
ان شاء الله الموضوع لتوقع حركة الازواج التقاطعيه بالخصوص ليوم الاثنين القادم وهبدأ بزوج الاسترالى كندى
الاسترالى كندى كنت قولت فى موضوع من المواضيع السابقه انه فى مسار هابط بعد ما ارتد من مستوى المقاومه 0.9050 والحمدلله قدر انه يهبط عدد جيد من النقاط لكن سلوك الزوج السعرى مع نهاية الاسبوع اللى فات كان محير شويه لأن الزوج نجح فى عمل بعض الصعود بالتالى اصبح الزوج فى مفترق طرق بما انه اساسا بيمشى فى مسارات عرضيه بقاله وقت فمن المتوقع من خلال الحركه الحاليه ان الزوج يكمل الهبوط على اساس يوصل لمستوى الدعم 0.8931 وده دعم مش اساسى على الزوج اما الدعم الاساسى هو المستوى 0.8902