السلام عليكم ورحمه الله وبركاته اخواني الكرام في هذا المنتدى الرائع أهلا وسهلا بكم
فى تريند كوميدى (كيف يعنى انت عايز تبوظ شرع ربنا يا ويلد) كده كان طالع من فترة عن الناس إلى عايزه تمشى عكس التريند و و خلاص ، فالموضوع دا الى هنناقش ازاى الناس ممكن تمشى عكس التريند و تخسر نفسها بنفسها
كلنا عارفين الفترة الأخيرة انتشار فيروس كورونا فى بلاد كتير ، من عملى فى مجال الطب انا على علم بفيوس كورونا من 2018 ... طاب اشمعنا انتشر بتوسع الايام دى بس ؟
هل دى سياسة بتلعبها امريكا عشان تضغط على الاقتصاد الصينى ؟
هل دى لعبة من ترامب عشان يضغط على الفيدرالى الأمريكى أنه يخفض الفائدة و هذا ما حدث بالفعل ؟
كل دى أسئلة دى واردة بس الحقيقة أن فيروس كورونا دا عبارة عن حمض نووي بيتضاعف و بيتطور بمرور الوقت و دى حاجة خارجة عن إرادة اى حد ، و للاسف فيروس كورونا ملوش ڤاكسين ربنا يحفظنا .
بس ردة الفعل على فيروس كورونا كانت عنيفة و لقينا كل الدول بدأت واحد ورا التانى يخفض الفائدة على عملته و دا مؤشر مش حلو و بيدلل أن القادم أسوأ للاسف ...
و العملات الى لسه دولها ما اعلنتش تخفيض الفائدة زى اليورو و الباوند ... توقعوا فى القريب العاجل غالبا فى منتصف الشهر أن هيتم تخفيض الفائدة عليها
فبلاش تخالف شرع ربنا يا ويلد و تدخل شراء على اليورو أو الباوند أو تبيع الين
محدش عارف الفترة الجاية ايه الى هيحصل
و ربنا يسترها علينا جميعاً
شاركونا برأيكم و توقعاتكم عن هل تتوقعوا تخفيض الفائدة عن عملات مثل اليورو و الباوند