مراجعة Huawei Nova 7i – عيوب متكررة و مميزات جديدة على الفئة المتوسطة !

[amrelkomy]

السلام عليكم ورحمة الله وبركاته

زي ما شوفنا معالج كيرن 810 لأول مرة في مصر في موبايل Honor 9X Pro جيه الدور على هواوي علشان تنزل موبايلها الجديد Huawei Nova 7i في الفئة المتوسطة بنفس المعالج الكيرن 810 .. وكالعادة الموبايل بينزل بدون خدمات جوجل بشكل رسمي فتعالوا نشوف ايه الجديد اللي بيقدمه الـNova 7i وايه عيوبة اللي متعديش في فئته السعرية

التصميم :-
ودي نقطة وحشه وحلوه في نفس الوقت الحلو اللي فيها التجديد الكاميرات موجودة في الظهر في شكل مربع بارز حاجة خفيفة عن جسم الموبايل مديلك شكل مختلف شوية عن كل الموبايلات اللي شبه بعضها وكمان الوانة حلوة ومميزة يعني الاخضر الي معانا اللي جربناه جديد ومختلف

بس طبعا كل الكلام ده حلاوته تروح لما تمسك الموبايل في ايديك وتلاقيه من البلاستيك طبعا كتير منكم هيهاجم هواوي على استخدام البلاستيك في الموبايل ده مع ان الـHonor 9x Pro والـY9s كانوا من الزجاج فحقيقي اختيار البلاستيك هنا غريب شوية.

الشاشة :-
شاشة عادية IPS LCD بتيجي بحجم 6.4 بوصة بدقة FHD+ بس واخدة تريند الشاشة الكاملة اللي فيها ثقب وديه شوفتها كتير في فئات سعرية مختلفة فيعني مش هقدر اشكر في نقطة الشاشة هنا

عمومًا الشاشة تقليدية جدا ولا هي كاملة ولا هي اموليد يعني مش هي الحاجة المميزة في الموبايل ده والاداء العام بتاعها مقبول السطوع كويس تحت الشمس مش هتواجه مشاكل مع الشاشة التقليدية ديه

وعمومُا تقدر تلغي شكل الثقب لو مش حابه عن طريق سيتبنج الشاشة باضافة شريطة سودا طويلة فوق.

الأداء :-
زي ما وضحتلك في اول المراجعة فالـNova 7i جاي بمعالج Kirin 810 الجديد اللي بمعمارية 7 نانو ميتر وده واحد من افضل معالجات الفئة المتوسطة حاليًا الموبايل ادائه مستقر جدا مفيش اي مشاكل واجهتني في استخدامي للموبايل ده

بس طبعا الموبايل جاي بدون خدمات جوجل بشكل رسمي وضحنا في مراجعة الـY7p اللي نازل برده بدون خدمات جوجل ازاي تحمل خدمات جوجل على الموبايل بكل سهولة من خلال تطبيق بتحمله على موبايلك وبالنسبة لنقطة المجازفة او الخطورة في نقطة تحميل خدمات جوجل فهواوي من ناحيتها بتضغط على جوجل وجوجل بتضغط على امريكا علشان يسيبوا هواوي تاخد ترخيص من جوجل عادي.

بس الموضوع لحد دلوقتي لسه متعملش بشكل رسمي فيعني لازم تبقى عارف ان في Risk او مجازفة بسيطة انك بتحمل الخدمات بتاعت جوجل بشكل غير رسمي على الموبايل ده لحد اما جوجل تدي الـOkay لهواوي انها تديها رخصة الاستخدام لاجهزتها الجديدة.

من ناحية تانية بقى الموبايل ده جاي بواجهة هواوي الجديدة EMUI 10 المبنية على اندرويد 10 وديه نقطة افضلية كبيرة عن الـ Honor 9x Pro اللي نزل باندرويد باي 9.0 السوفت الجديد بتاع هواوي بقا مرتب ومنظم اكتر وبيديلك تجربة استخدام كويسة جدا وبقا عندك فيه Dark Mode اللي بيقلب القوائم اسود واللي تجربته هنا مش بتبقى افضل حاجة لان الشاشة مش اموليد والاسود مش بيبقى اسود اوي يعني بس الاوبشن موجود لو حابب تستخدمه.

بالنسبة بقى للـ اداء الرسومي واللي زعلني بقى في الموبايل ده ببجي شغالة على High HD مش اعلى جرافيكس موجودة بس يعني مقبولة خصوصًا اللعبة بتشتغل بكفاءة.

انما اللي زعلتني كول اوف ديوتي وده لأنها شغالة على اعدادات جرافيك Low مفيش اعلى من كدا لسه الموبايل ده مش مظبوط مع اللعبة ديه لانه اكيد بيقدر يشغلها افضل من كدا.

وفورت نايت للاسف مش مدعومة في الموبايل ده بشكل رسمي فيعني لو انت من محبي الالعاب بعنف معتقدش الموبايل ده يكون الأنسب ليك رغم انه فيه واحد من افضل معالجات الفئة المتوسطة بس علشان المشاكل الموجودة حاليًا بين الصين وامريكا فمعظم الالعاب مش مظبطه امورها مع المعالج ده وعمومًا جايز كل الكلام ده يتصلح قدام مع التحديثات اما نشوف.

عوامل الامان وعناصر اخرى :-
البصمة هنا موجوده على زرار الباور المكان اللي خلاص كلنا اتعودنا عليه وشوفناه كتير والبصمة سريعة ومفيهاش مشاكل

والـFace Unlock موجود وسريع ويعتمد عليه

الموبايل مفيهوش لمبة اشعارات ولا فيه بديل ليها للأسف

المستشعرات موجودة وحقيقية وشغالة في الـNova 7i فيما عدا مستشعر الجيروسكوب ملاقيتوش للاسف في الموبايل ده مش عارف ازاي بالمناسبة اصدار البلوتوث هنا محترم الجيل الخامس 5.1 علشان يديلك اداء قوي لما توصلة بكاسيت او بسماعة او بساعة.

بالنسبة للصوت كالعادة سبيكر واحد وللاسف صوته متوسط مش اعلى حاجة والصوت مش مجسم اوي وصوت الهيدفون بردة مش اعلى حاجة والموبايل بيدعم منفذ الـ3.5 ملم وأخيرا صوت سماعات المكالمات عالي وممتاز.

واخيرا شبكة الموبايل ممتازة زيها زي الـHonor 9X Pro معنديش معاها اي مشاكل.

البطارية :-
بطارية الموبايل ده كويسة جدا حجمها 4200 مللي امبير مع استخدام عنيف وشاشة مفتوحة لفترة طويلة استحملت معايا حوالي 6 ساعات شاشة مفتوحة بإستخدام معقول تستحمل 8 مستريح اوي.

اللي مميز في البطارية ويمكن ده اللي مميز الموبايل كله الشاحن المرفق اللي بقوة 40 واط بتقنية Huawei Super Charge حاجة محترمة هتشحن الموبايل لحد 70% في نص ساعة بس وهتشحن الموبايل بالكامل في اقل من ساعة نقطة تفوق مهمة للموبايل ده على المنافسين كلهم.

الكاميرات :-
الكاميرا التقليدية الرباعية بس محطوطة في مربع بشكل شيك شوية الاساسية 48 ميجا بيكسل فتحة عدسة F/1.8 والتانية 8 ميجا بيكسل للتصوير الواسع فتحة عدسة F/2.4 و2 ميجا بيكسل ماكرو و2 ميجا بيكسل عزل.والسيلفي الموجود في ثقب في الشاشة بدقة 16 ميجا بيكسل مع فتحة عدسة F/2.0.

بص احساسي وانا بجرب الكاميرا الخلفية في الموبايل ده ان في حاجة مش مظبوطة كدا تحس الموبايل محتاج تحديث سوفت وير للكاميرا او حاجة كدا يمكن علشان بنجرب الموبايل بدري ومش ديه النسخة النهائية اللي نازله.

عمومًا الصور العادية عجباني جدا مشكلتي مع صور البورتريه بتعمل Beauty او تجميل لوحدها رغم اني قافله وبتمسح التفاصيل بشكل عجيب وغريب.

العدسة الـUltra Wide بقى تقليدية جدا مفيهاش اي جديد يُذكر اقدر اقوله هي مش احسن عدسة Wide Angle في الفئة المتوسطة ومش اوحش عدسة العدسة الماكرو ضايعة بصراحة تفاصيلها قليلة جدا.

التصوير في اضاءات ضعيفة شوية معرفش حاسس ان الذكاء الاصطناعي بيلعب جامد اوي في الصور بيمسح التفاصيل وبيخليها كرتونية شوية وبليل في الظلمة الشديدة الصور رغم ان الـNight Mode بياخد وقته إلا إنه مدخلش معايا اضاءة عالية ومفتحش الصور يعني ده مش افضل Night Mode في الاضاءات الضعيفة اوي لازم يكون في مصدر ضوء قريب منك.

وبالنسبة لتصوير الفيديوهات للأسف الموبايل مش بيدعم تصوير فيديوهات 4K بتصور بجودة 1080p ومن غير اي نوع من انواع التثبيت والصورة بتتهز لو ايديك اتهزت.

التصوير بالسيلفي بقى مقبول جدا على عكس الكاميرا الخلفية الألوان مقبولة التفاصيل لسه ممسوحة شوية ولكن بشكل عام تعامل السوفت وير كويس جدا في الكاميرا السيلفي والـHDR ممتاز والصور بتطلع كويسة فعلًا بدون ما تحتاج تعمل عليها فلاتر او تعديلات.

وبالليل بقى تقدر تستخدم الـNight Mode علشان تطلع صور كويسة جدا بالسيلفي استغربت بصراحة اداء السيلفي في اماكن اضائتها ضعيفة جدا ديه طلعت صور احسن من الكاميرا الخلفية فعلا الكاميرا السيلفي محترمة جدا.

سعر الموبايل :-
السعر الرسمي 4200 للنسخة 128 جيجا مع 8 جيجا رام وينفع تركب شريحين اتصال او شريحة وكارت ميموري نانو واللي هو مش موجود في السوق فإعتبر انك مش هتعرف تركب كارت.

واكيد طبعًا الموبايل عليه هدية في الحجز المسبق وهي الساعة الذكية الباند 4 بتاعت هواوي مع الموبايل.

الرأي النهائي :-
الموبايل نزل بسعر منافس جدا ومنطقي و أقل بفرق واضح عن الـNova 5T وده لإن النوفا 5 تي اكيد احسن في حاجات كتير من الـNova 7i.

وبالتالي فموبايل هواوي Nova 7i مُميز جدا في المعالج الموفر بشكل كبير واللي ادائه مستقر جدًا في الاستخدام اليومي .. البطارية الكبيرة .. الشحن الـSuper Charge الـ 40 واط السريع جدا جدا واخيرا التسعير المميز جدا جدا من هواوي.
ملحوظاتي على الموبايل ده بقى ( العيوب ) .. مش بيصور فيديوهات 4K مفيش لمبة اشعارات سوفت وير الكاميرا الخلفية محتاج تحديث الألعاب مش بتشتغل على اعلى اعدادات جرافيك .. الصوت مش اعلى حاجة الخامات بلاستيك واخيرًا خدمات جوجل بتحملها بنفسك مش موجودة مسبقًا على الموبايل.
وفي النهاية .. موبايل Huawei Nova 7i بيتفوق على موبايل Honor 9X Pro اللي بنفس المعالج في نقطة الكاميرا السيلفي الافضل والشحن الأسرع بفرق كبير والبطارية الأكبر حاجة بسيطة اوي وإنه نازل بـAndroid 10 والكاميرا الرابعة الماكرو والنوفا وزنه اخف شوية من الاونر و كمان بيدعم Face Unlock ورامات 8 جيجا مش 6 جيجا رام بس زي الـ 9X Pro وكمان النوفا 7i أرخص من الهونر 9 اكس برو .

انما الـ Honor 9x Pro يتفوق على النوفا 7i في الخامات الخارجية الزجاج ومساحة تخزين اكبر 256 جيجا وبيدعم تركيب كارت ذاكرة مايكرو عادي وشاشته اكبر شوية وبدون ثقب لان جسم الموبايل فيه سلايدر للسيلفي.

[aymanabdallah]

وبالتالي فموبايل هواوي Nova 7i مُميز جدا في المعالج الموفر بشكل كبير واللي ادائه مستقر جدًا في الاستخدام اليومي .. البطارية الكبيرة .. الشحن الـSuper Charge الـ 40 واط السريع جدا جدا واخيرا التسعير المميز جدا جدا من هواوي.
ملحوظاتي على الموبايل ده بقى ( العيوب ) .. مش بيصور فيديوهات 4K مفيش لمبة اشعارات سوفت وير الكاميرا الخلفية محتاج تحديث الألعاب مش بتشتغل على اعلى اعدادات جرافيك .. الصوت مش اعلى حاجة الخامات بلاستيك واخيرًا خدمات جوجل بتحملها بنفسك مش موجودة مسبقًا على الموبايل.

[Moshira ismail]

وفي النهاية .. موبايل Huawei Nova 7i بيتفوق على موبايل Honor 9X Pro اللي بنفس المعالج في نقطة الكاميرا السيلفي الافضل والشحن الأسرع بفرق كبير والبطارية الأكبر حاجة بسيطة اوي وإنه نازل بـAndroid 10 والكاميرا الرابعة الماكرو والنوفا وزنه اخف شوية من الاونر و كمان بيدعم Face Unlock ورامات 8 جيجا مش 6 جيجا رام بس زي الـ 9X Pro وكمان النوفا 7i أرخص من الهونر 9 اكس برو .

انما الـ Honor 9x Pro يتفوق على النوفا 7i في الخامات الخارجية الزجاج ومساحة تخزين اكبر 256 جيجا وبيدعم تركيب كارت ذاكرة مايكرو عادي وشاشته اكبر شوية وبدون ثقب لان جسم الموبايل فيه سلايدر للسيلفي.

[abdoddaa]

السلام عليكم
انا استعمل هواوي نوفا 3 الجهاز يعتبر جيد بالنسبة لي فموصفاته جميلة جدا كذلك يعتبر جهاز انيق
ما هي المميزاتالتي تميز هواوي نوفا 7 عن نوفا 3

[Hassan Owen10]

السلام عليكم ورحمه الله وبركاته ان هذا الموبايل هو من الموبايلات الرائعة حقا من شركة هواوي الشركة الاكثر من رائعة بالفعل و ان هذا الموبايل من الموبايلات التي تنافس و بشدة كبيرة جدا علي الساحة مع باقي الموبايلات في السوق المصرية و العالمية لان هذا الجهاز هو من الأجهزة النادر ان تصادفها في حياتك لان هذا الجهاز بالفعل جهاز رائع رائع رائع جدا و ان الإمكانيات التي يأتي بيها امكانيات رائعة جدا جهاز ياتي بكاميرا 48 ميجا و شاحن 40 واط و بطاريه 4200 امبير و تشحن 70٪ في نص ساعه و الجهاز ياتي بمعالج رائع جدا و هو كيرن 810 المعالج القوي و الجميل جدا و كمان جاي بشاشة رائعه نوعا ما و هي ips lcd 6.4 fhd plus التي تجعلك تشاهده الفيديوهات بطريقة جميلة و ان تقوم بالعمل عليها بكل سهولة و ان تقوم أيضا بالعب عليها كويس جدا و ان هذا ايضا بسبب المعالج القوي الذي يحمله هذا الجهاز و هو كيرن 810 و ان هذا الجهاز بيه ايضا عيوب و لا إمكانيات هذا الجهاز تغطي علي عيوبه و منها انه لا يوجد بيه لمبه اشعارات و ان الجهاز لا يدعم التصوير 4k و ان هذا هما من اكثر العيوب التي تضيق اي مستخدم للهواتف المحموله و لكن من الممكن أن تجاهلها المستخدم في نظير ما يحصل عليه من خدمات و مميزات اخرى رائعه يقدمها هذا الجهاز و ان هذا الجهاز بالفعل قد استطاع ان يقوم بحل المعادلة الصعبة و هي الإمكانيات الرائعة مع السعر الرخيص السعر الذي يستهدف بيه الفئة المتوسطة في السوق المصري و الأسواق العالمية

[Magnam]

السلام عليكم ورحمه الله وبركاته ان هذا الموبايل هو من الموبايلات الرائعة حقا من شركة هواوي الشركة الاكثر من رائعة بالفعل و ان هذا الموبايل من الموبايلات التي تنافس و بشدة كبيرة جدا علي الساحة مع باقي الموبايلات في السوق المصرية و العالمية لان هذا الجهاز هو من الأجهزة النادر ان تصادفها في حياتك لان هذا الجهاز بالفعل جهاز رائع رائع رائع جدا و ان الإمكانيات التي يأتي بيها امكانيات رائعة جدا جهاز ياتي بكاميرا 48 ميجا و شاحن 40 واط و بطاريه 4200 امبير و تشحن 70٪ في نص ساعه و الجهاز ياتي بمعالج رائع جدا و هو كيرن 810 المعالج القوي و الجميل جدا و كمان جاي بشاشة رائعه نوعا ما و هي ips lcd 6.4 fhd plus التي تجعلك تشاهده الفيديوهات بطريقة جميلة و ان تقوم بالعمل عليها بكل سهولة و ان تقوم أيضا بالعب عليها كويس جدا و ان هذا ايضا بسبب المعالج القوي الذي يحمله هذا الجهاز و هو كيرن 810 و ان هذا الجهاز بيه ايضا عيوب و لا إمكانيات هذا الجهاز تغطي علي عيوبه و منها انه لا يوجد بيه لمبه اشعارات و ان الجهاز لا يدعم التصوير 4k و ان هذا هما من اكثر العيوب التي تضيق اي مستخدم للهواتف المحموله و لكن من الممكن أن تجاهلها المستخدم في نظير ما يحصل عليه من خدمات و مميزات اخرى رائعه يقدمها هذا الجهاز و ان هذا الجهاز بالفعل قد استطاع ان يقوم بحل المعادلة الصعبة و هي الإمكانيات الرائعة مع السعر الرخيص السعر الذي يستهدف بيه الفئة المتوسطة في السوق المصري و الأسواق العالمية

[abdeallah7896]

السلام عليكم هواوي شركة جديد و لقد حطمت ارقام مميزة في بيع هواتفها المحمولة و انا من محبي هذا الشركة وشكرا لك علي موضوعك الجميل

[abd elhamed]

وبالتالي فموبايل هواوي Nova 7i مُميز جدا في المعالج الموفر بشكل كبير واللي ادائه مستقر جدًا في الاستخدام اليومي .. البطارية الكبيرة .. الشحن الـSuper Charge الـ 40 واط السريع جدا جدا واخيرا التسعير المميز جدا جدا من هواوي.
ولكن من افضل الهواتف الرائجه