السلام عليكمورحمت الله وبركاته
انا سجلت في المنتدي هنا من فتره قصيره
اللي لاحظته هنا ان في ناس كتير داخله عشان البونص
والمشكله انها متعرفش يعني اي فوركس اصلا
وتعمل مواضيع عايز شرح الفوركس من الصفر للحتراف
وناس بتاجر وهي مش عارفه يعني اي فوركس يا دوبك فتحوا الحساب وبيستخدوموا الميتادريدر
اولا: متستناش حد يسقيك الفوركس بالمعلقه
ثانيا: عندك مواقع البحث لازم تتعب نفسك وتلف وتدور علي المعلومه عشان تعرف قيمه اللي بتتعلمه
ثالثا : متستعجلش تتاجر بالبونص وانت اصلا مش عارف اساسيات التجاره لانك هتخسره في اقرب وقت
رابعا: شوف فيديوهات تعليميه علي قد متقدر وتاجر بالتجريبي الاول
المحترفيين نفسهم تعبوا جدا علي مابقوا محترفيين متنتظرش حد يدك استراتجيته ببساطه وممكن اصلا متعرفش تتاجر بيها
انا زيكم يا جماعه مبتدأه بس من 3 شهور
ومحدش يزعل من كللامي والله دي نصيحه من اختكم الصغيره