اكيد الثقه فى النفس بتيجى بعد مترسم لنفسك طريق بناء على معرفتك انت الخاصه
ولو تخيلت نفسك مثلا بتسافر كل يوم من القاهره لاسكندريه وفى كل يوم بتسافر فيه وبتخوض التجربه على نفس الطريق بمطباته بمنحنياته بالطرق الفرعيه ليه هتلاقى نفسك كل يوم بتعرف جديد
وكل يوم بتسوق باحتراف اكتر وبتعرف امتى تسرع العربيه وامتى تهدى لانك فاهم تفاصيل الطريق من كتر ممريت عليه
هتصبح قيادتك اكثر ثقه زى سائق الميكروباص اللى رايح جاى كل يوم على الطريق لكن انت لو لسه جديد على الطريق ومسافر لاول مره
هتحس نفسك متردد وبتقود بسرعه اقل وبتحاول تستكشف الطريق كل شويه
نفس الامر فى الفوركس اكتسابك للخبره والمعرفة وممارسة التداول كل يوم هو اللى بيخليك تكتسب ثقه اكبر لانك اخترت خطواتك فى السوق بناء على تجربة حقيقية ومعرفتك بالاوقات المناسبه للتداول والغير مناسبه للتداول
بقيت عارف هتدخل الصفقات امتى وتخرج امتى ولو فى خبر مهم عارف تتعامل معاه بهدوء حتى لو صفقاتك مفتوحه بتعرف تتصرف وتامنها بالشكل المناسب بدون انزعاج او توتر
لذلك ننصح اى مبتدئ انه يركز تماما فى الحصول على القدر الكافى من التدريب وممارسة التداول لكى يفهم ويكتسب ثقه فى نفسه اكتر