مراجعه عن بوتوجاز يونيفرسل الجاك

[ahmedmahmoud20]

السلام عليكم ورحمه الله وبركاته
النهارده ان شاء الله هنتكلم عن بوتجاز يونيفرسال اليجانت خمسه شعله
البوتجاز من الاستانلس استيل الغير قابل للصداء الحوامل بتاعت العيون من الزهر عشان تكون سابته على البوتجاز شكل البوتجاز شيك جدا وكمان مزود بغرفه اسفل الفرن عشن تحافظ على الاكل سخن وكمان الفرن فيه مروحه علشان ضمان توزيع الهواء كويس
سعر البوتجاز
مقاس 60*80 ب3700جنيه
مقاس 60*90 ي 4200 جنيه
مميزات البوتجاز
انوا اشعال زاتى كمان ممكن اشغل الشوايه مع الفرن وكمان مزود بنظام امان كامل يعنى لو الاكل فار على العيون بيفصل الغاز فورا وكمان ضد لعب الاطفال
عيوب البوتجاز
ان الشوايه والفرن مش اشعال زاتى الزراير بتاعت الفرن بتسخن لما نشغل الفرن كمان الاشعال الزاتى بعد فتره من الاستعمال بيقف

[ali mekaey]

تجربتي مع بوتجاز يونيفرسل اشتريت فرن بلت أن احدث حاجة نزلت فى السوق.واتصلت بيهم عشان يجى فنى يركبه .وحصل فعلا وجه الفنى وقام بتشغيله وادانى الضمان.تاتى يوم كان عندى عزومة كبيرة وقمت بتشغيل الفرن بعد حوالى 10 دقايق فصل الفرن تماما النار والكهربا..وكل ربع ساعة يشتغل شوية ويفصل وماادراكم عزومة ورمضان والواحد دمه اتحرق .اتصلت بيهم تانى يحوا يشوفوا فى ايه جه الفنى وقام بصيانة السنسور اللى المفروض جديد وفضل يدينى تعليمات كما لوكنت اول مرة استعمل فرن قولت ماشى مفيش مشكلة ومشى على كدة..بعد فترة مش كبيرة شغلت الفرن اعمل فيه حاجات وفصل تانى كالعادة.اتصلت بيهم تانى يجوا يشوفوا الشئ العجيب ده ايه اخرته المهم جه الفنى والمهم فك سقف الفرن وقال الفونيا كانت مقفولة فتحتها المهم ساب الفرن شغال وقال سيبوه شوية ولو حصل حاجة كلمونى تانى انا فى المنطقة هرجع مشكورا..المهم لاقيت الشعلة عالية جدا ومش بتوطى خالص والمفروض ان فيه درجات حرارة ولا الهوا يفضل عالى يحرق الاكل مفيش مشكلة.المهم مفيش 10 دقايق وراح فاصل نار وكهربا.كلمناه فعلا رجع. فك الفرن حته حته مسمار مسمار كما لو كان بقاله سنين عندى وقد ايه كنت حزينة على حاجة المفروض انها جديدة بشوكها.لم تستخدم مرة واحدة..وبعد مافكه .كانت الصدمة ات فى حاجة فى الفرن البلت ان مش موجودة اصلا حاجة خاصة بالكهربا
والفنى اتصدم بصراحة..وقام بتصويرها .لاقيتهم يونيفرسل
بيكلمونى انهاردة بيقولوا انهم جايين يسحبوا الفرن عشان يحطوا تحت الاختبار .
انا بصراحة مش عاوزة الفرن ده ولا اى حاجة من الشركة ديه تانى .وبحذر اى حد ان يشترى اى منتج من عندهم .وسوف اقوم بعمل بلاغ لجهاز حماية المستهللك لان على مااعتقد ده ابسط حقوقى كمستهلك

[doksh2020]

السلام عليكم ورحمه الله وبركاته اخي الكريم الفاضل بخصوص مراجعه التي قمت بطرح الان عن
مراجعه حول بوتاجاز يونيفرسال
مميزات
قوة الخامات وجودتها ولذلك يسمى ببوتاجاز العمر الطويل خاصية الإشعال الذاتي لجميع عيون البوتاجاز مروحه ذات كفائة عاليه في الفرن لتوزيع الحرارة على كافة أنحائه بشكل متوازي جسم الوتاجاز مصنوع من مادة الاستانليس ستيل المقاومة للصدأ مما يحافظ على بريقه وشكله لمدة طويلة ويسهل جدا من تنظيفة
العيوب

قد يتوقف الإشعال الذاتي عن العمل بعد فترة ليست بالقصيرة من الإستخدام البعض يشتكي من سوء تعامل خدمة العملاء وصيانة ما بعد البيع بعض البوتجازات لا تعمل بهم الفرن والشوايه بخاصية الإشعال الذاتي وعليك تشغيلها يدويا قد يسخن الزجاج الخاص باب الفرن عند تشغيل الفرن او الشواية لمدة طويلة وبالتوفيق لك اخي الكريم واتمنى لك تحقيق المزيد من الارباح ولجميع الاعضاء