مافيش كلام كلنا عاوزين نحلل بأقل مجهود واسرع طريقة وبعيد عن بعض الأدوات الصعبة وكمان بعيد عن المؤشرات اللى بتتبع السعر
تعالى نتكلم النهاردة عن طريقة سهلة وكمان بتاعة محترفين
اول خطوة
افتح الشارات على العملة اللى بتحب تتداول عليها
اعمل زوم اوت يعنى صغر الشارت واختار قمة او قاع حسب رغبتك
مش مهم حنختار قمة او قاع المهم ان الشروط اللى حنتكلم عنها تكون موجودة
احنا عادة بنختار القمة او القاع القريب من سعر الزوج الحالى لأن دة يعطيك اولوية فى انك تاخد الدورة الزمنية من البداية تقريبا
حنستخدم اداة اسمها السيكل لاين
ناخد اداة السيكل لاين ودى موجودة فى ادوات الميتاتريدر كليك عليها وتنزل على الشارت
كليك عليها بعد ما تنزل حتلاقيها 3 نقط
ضع الماوس على النقطة الثالثة واسحب الاداة الى الشمال حتى ترى الرقم 360
اذا فى خلال المسافة دى لم تجد اى قمة اعلى من القمة اللى انت اختارتها يبقى انت اختارت قمة صحيحة
لو لاقيت قمة او هاى اعلى يبقى كدة غلط وتبدأ تشوف من جديد قمة تانية او قاع تانى حسب رغبتك
بأختصار كدة
بنختار اعلى قمة او اقل قاع خلال مدة 360 شمعة زمنية
الخطوة التانية بعد ما اختارت القمة او القاع الصحيح
نسحب بقى النقطة التالتة دى بس ناحية اليمين المستقبل يعنى مش الماضى عشان احنا عاوزين نعرف المرحلة الجاية اية
لغاية النقطة 180 ونحط خط ودى تبقى نص الدورة الزمنية
وممكن جدا يكون نقطة انعكاس
ونكمل تانى لغاية النقطة اللى بعدها اللى هى 360 ودى نهاية الدورة الزمنية اللى حضرتك حتشتغل عليها
يعنى من نقطة البداية الى زمن 360 شمعة هى المسافة الزمنية التى ستتاجر عليها
وبانتهاءها تنتهى جميع الحسابات
دى فكرة بسيطة وسهلة كمان وتعغتبر من الطرق الرقمية اللى مش شائع استخدامها كتير لكن فى ناس عملتها ربوتات او مؤشرات واشتغلت بيها
طريقة العمل
طالما اختارت قمة وكانت صحيحة اذن انت شغال على اتجاة هابط يعنى بيع طوال الفترة الزمنية دى ونقطة استوبك هى اعلى القمة او كسر القمة اللى انت اخترتها
تعالوا ناخد مثال
زوج اليورو دولار
اول خطوة بعد ما نعمل زوم اوت ننزل اداة السيكل لاين
تانى خطوة اختيار القمة او القاع طبقا للشروط اللى قولناها
اختبار القمة الصحيحة
الخطوة اللى بعدها
مد الخط الى الفترة الزمنية ال180 اللى هى نص الدورة ومنطقة الأنعكاس المحتملة ضع عليها خط عمودى
بعد كدة مدها وكملها لغاية نهاية الدورة عند ال360 وعيش التجربة
مع تحياتى وتمنياتى بالتوفيق لحضراتكم