من اسباب خسارة المتداول هوه فرحته الزياده عند مكسب صفقة وتجيب ليك تارجت غير متوقع بمعني انك تكون داخل صفقة بهدف مفتوح ويجي معاك خبر بدل ما تكسب ٥٠ نقطه تلقي الخبر جبلك ٢٠٠ نقطه وتفرح جدا جدا بيها لدرجة انك ممكن تنسي انك تاجر وتاخد قرار خطا بعد المكسب وتخسر جزء كبير منه وده اللي بيحصل بالفعل ان طبع الإنسان طماع وبيلقي نفسه بيقول انا حابب اجازف بالربح الزياده ده لازيد ارباحي وفجأه تحصل المشكله وهيه انك بدل ما تدبل يحصل العكس وتخسر اكتر من 80% من ربح اللي حصل ويبدا تفكيرك في التعويض لكي تعوض ربحك الاصلي ومع اتخاذ قرارات سريعه تلقي نفسك خرجت من دوامة المكسب الي دوامة الخساره وان ربحك كلو طااار وانت حاليا بتخسر من المحفظة وده لقيتو في متداولين كتير جدا ولازم تتحكم في النقطة دي بعد كل مكسب لكي تزيد ارباح لازم متفرحش كتير وحاول تكون متزن نفسياً وتدرس كل ما هوه قادم