مراجعه حول السماعه البلوتوث

[afaf mahmoud]

النهاردة هقولكم رايي في سماعة رياضية بلوتوث ... و دي بتتكون من جزء مرن بيرتاح علي الرقبة ... و طالع منها سماعتين داخل الاذن ...
دي ك ثبات اثناء الجري و الرياضة عموما ... معظم الناس بيشوفوها احسن من سماعات ال
TWS
اللي بتكون كل سماعة لوحدها ف بتبقي عرضة للضياع و كمان حجم بطاريتها بيكون صغير
اما السماعات الرياضية زي السماعة اللي معايا ... بطاريتها بتقعد لحد 10 ساعات علي شحنة واحدة
____
Realme buds wireles
السماعة نزلت لأول مرة فلاش سيل علي موقع جوميا ب 559 جنيه .. و بعدين سعرها هيكون حوالي 699 جنيه مصري.
لما نيجي نقيم سماعات
بنحط كذا نقطة في الاعتبار
(الربط مع الموبايل و بين السماعتين - جودة التقفيل - حجم بطارية السماعة - صوت السماعة - العزل - صوت المايك - الخصائص الاضافية)
الربط:
السماعة بتيجي ب بلوتوث 5.0
و بما ان السماعتين مربوطين ب سلك سوا ... ف مفيش مشاكل في الربط بين السماعتين
و الربط مع الموبايل بياخد حوالي ثانيتين... السماعتين بيقفلوا علي بعض ب مغناطيس .. مجرد ما تفصلهم عن بعض... بتشتغل اوتوماتيك و ترتبط ب الموباي.
جودة التقفيل:
زي ما قولنا فيها جزء مرن بيلف علي الرقبة ... و وزنها خفيف مش هيضايقك خالص أثناء الرياضة ... و طالع منها سلك اصفر ب اتجاه السماعتين..
السماعتين نفسهم وزنهم خفيف مش هيضايقوا ودنك ... و فيهم خطاف صغير بيثبت السماعة في الودن ... ف مش بتقع أثناء الجري
الناحية اليمين من الجزء اللي علي الرقبة فيها التحكم ... زرار خفض و تعلية الصوت .. و بينهم زرار الخصائص عليه علامة ريلمي ... الزرار ده بيرد علي المكالمات و لما تدوس عليه برة المكالمات بيشغل مساعد جوجل الشخصي.
صوت السماعة:
صوت نقي ... بيز محترم ... علو ممتاز ... يعني في المجمل تاخد ك صوت 8.5 من عشرة.
كون السماعة فيها جزء جوة الودن كاوتش ... ف ده بيعزلك بنسبة معقولة عن اللي حواليك... بس طبعا ده مش اكتيف نويز كانسيلشن.
صوت المايك:
الجزء المرن برضه ناحية اليمين ... فيه مايك وحيد للمكالمات ... صوت المايك ممتاز جدا .. يعني لما بعمل منها مكالمات ... الطرف التاني مش بيعرف اصلا اني بكلمه من سماعة ... بس في الاخر هو مايك واحد يعني مفيش عزل .. يعني في المواصلات مش هتعرف تستخدمها في المكالمات ب شكل مرضي.
العزل:
العزل عن العالم الخارجي بتاع السماعات دي ياخد في تقييمي 75% ... و ده لأن فيه كاوتش داخلية للسماعة Passive noise cancellation ..... و مفيش active noise cancellation.
البطارية:
بطارية السماعات بتكمل لحد 10 ساعات استخدام
السماعة بتتشحن ب منفذ شحن قديم ميكرو يو اس بي ... بيتشحن في حوالي ساعة
الخصائص الإضافية:
مفيش ... هو فقط إفيه ان المغناطيس و ان السماعة بتطفي لما تشبك السماعتين في بعض ... و تشتغل اوتوماتيك لما تفصلهم.
____
تقييمي للسماعات دي في فئتها السعرية 700 .... تاخد 4.5 من خمسة.

[saadashraf14]

السلام عليكم ورحمه الله وبركاته تقبل تحياتي يا اخي الكريم اولا لما ثانيا اطلقت شركه ريلمي سماعه ريلمى وايرلس بعد اصدار هاتف ريلمي اكس تي وتعد هذه السماعه ممتازه جدا بناء على المراجعات التي تمت عليها وتاتي هذه السماعه بمواصفات عاليه الجوده حيث انها تعتبر ثاني سماعه تطلقها شركه ريلمي بعد السماعه ريلمي بادز وضعت هذه السماعه بمواصفات كمايلى

_ تاتي هذه السماعه بتقنيه البلوتوث 5.0
_ صوت هذه السماعه عميق وممتاز
_ تعمل هذه السماعه في نطاق 10 امتار
_اعلنت شركه ريل مي ان هذه السماعات مصنوعه من المعدن والسيليكون وان بها ثلاث ازرار مصنوعه من المعدن
_ تاتي هذه السماعه بطاريه قويه حيث أعلنت الشركة انها تدوم نحو ١٢ ساعة
_ تتميز هذه السماعه بانها مقاومه للماء والعرق بمعيار اي بي اكس 4
في النهايه تعتبر هذه السماعه من السماعات المتميزه جدا في السوق و درجه الخامات المستخدمه فيها ممتازه
تقبلوا مروري وتحياتي اعضاء منتدى فوركس الكرام

[Midoo55]

بسم الله الرحمن الرحيم
السماعه البلوتوث هي اختراع جديد ومفيد جدا بالنسبه للهاتف المحمول فالسماعه البلوتوث سهلت كثير جدا على الناس حيث ان لها الكثير من المميزات
تتميز هذه السماعات بانها خاليه من السلك وغير مرتبطه بالهاتف المحمول فمن الممكن
ان تكون متواجد في مكان ما بعيد عن الهاتف المحمول وفي نفس الوقت متصل بالهاتف او تتحدث الى احد الاصدقاء فهي سهلت عمل الهاتف المحمول كما يمكن من خلال السماعات البلوتوث الرد على المكالمات
او اجراء المكالمات من خلال هذه السماعه كما يمكن ايضا تشغيل بعض الاغاني او اي شيء على الهاتف المحمول دون الحاجه الى ان يكون الهاتف قريب من السماعه ولكن تعمل هذه السماعات على بعد كبير جدا قد يصل الى ٦ امتار تقريبا
لذلك تعد هذه السماعات هي الافضل منذ ان تم اختراع السماعات البلوتوث انا شخصيا يفضل استخدام هذه السماعات خاصه في اوقات العمل وفي اوقات السفر هو في اوقات الجلوس ايضا فهي مفيده جدا