في فترة منتشرة ليها اكتر من سنتين و مستمر حتى الآن و هو الزواج المبكر و اللي بيبدأ بخطوبة في ايام الجامعة او الثانوي و يستمر سنتين او تلاتة و بعد كده يتم عقد القران و ده كله بيبقى تحت مسمى الحب .
طيب هوا ده صحيح في الاسلام ؟ و هل جائز كده اننا نمد فترة الخطبة ؟ و هل هذا الحب حلال ؟
حاجات كتير تحطك في شبهة بسبب الامور دي كلها .
مبدأيا لازم الاول الناس الصغيرة اللي بتتخطب نفهمها اي معنى الزواج ؟ و اي هدفه ؟
الزواج هو عقد بين الزوج و الزوجة للتناسل و لكثرة أمة ( سيدنا محمد - صلى الله عليه و سلم - ) و عشان اطلع جيل من الشباب الصالح لنفسه و لأمته و لأهله و ده أولا ، ثانيا لإشباع الغرائز اللي ربنا وضعها فينا كـ بشر و طلب الزواج من اجل اشباع تلك الغرائز هي عفة مش قلة أدب زي مجتمعنا بيقول .
صعب احدد سن معين للزواج و لكن الافضل و الأعم لتلك المسألة هوا لما يكونوا البنت و الشاب قادرين على تحمل المسؤولية و يكون عندهم الوعي الكافي لفهم ان الزواج زي ما هوا صيانة زوح و حب و رحمة و ألفة بين الزوجين انه فيه مسؤوليات و ضغوطات لازم هيعدوا بيها ، لازم يفهموا ازاي يشيلوا بعض ، ازاي يكونوا سند في و قت ضعف ، ازاي يقدروا يسمعوا بعض مع تقديم كافة الدعم و الحب ، ازاي يبقى في ثقة متبادلة ،، لو قدروا يفهموا كل المعاني دي في سن صغير يبقى خيرا لهما الخطوبة ثم الزواج لكن للاسف بأه ناس كتير اوي بتبدأ تفهم ده متأخر و خصوصا الشباب اللي بيكون واخد فكرة غلط عن الزواج و اللي بيقضوا فترة خطوبة اكبر في الحب و ما يعلق القلب و يلهيه عن طاعة الله و غالبا فترة الخطوبة لما بتزيد يا اما بيكون في مشاكل كتير في الزواج يا اما بيتم الانفصال بسرعة .
يؤسفني اقول ان معدلات الطلاق بين الشباب المتزوجين حديثا زادت لكن بسبب فهمهم البسيط لمشروع الزواج و عدم تحملهم المسؤولية بشكل ثابت و قوي .
مركز الخليج