Thread: 
Subscribe
نظرة عامة عن فن الرد
من احسن الحاجات اللي ممكن تسهل عليك حياتك وتخليك عايش سعيد هي فن الرد ازاي تختصر الكلام لاني تقريبا اغلب الكلام ما بيكونش غير ضياع للمجهود والصحه ما بيكونش منه اي نتيجه وفي مثل بيقول خير الكلام ما قل ودل
هاذكر مثال بسيط علي موقف تاريخي بيبين معنى الكلام ده
كان مسيلمة الكذاب اللي ادعى النبوه بيشتغل في تجاره مع عمرو ابن العاص ففى مرة من المرات راح قال لعمرو بن العاص ايه يا راجل مش ناوي تؤمن بنبوتي ولا ايه راح عمرو بن العاص رد عليه رد كان من اجمل الردود ممكن تسمعها بحياتك قال له «انا اعلم انك تعلم اني اعلم انك كذاب» هب راح مسيلمة سكتم بكتم و مردش
حرفيا احنا لازم نحط الموقف ده او الرد ده مثال قدامنا ازاي نتعامل في كل موقف في حياتنا كان ممكن يقعد يقول له ازاي طب اثبت لي طب انت كذا طيب انت لا انت كذاب وكان ممكن يقعدوا يتناقشوا ساعه ساعتين ثلاثه اربعه وبما ان هو كده كده عارف ان هو كذاب هيقعد يجادل وعمرو بن العاص يجادل وما يطلعش بنتيجه في الاخر فعمرو بن العاص اختصر الكلام ده بجملة واحدة احنا كلنا محتاجين نطبق المثال ده فى حياتنا
