Thread: 
Subscribeللأسف الشديد الفرقة كان فيها مساحات كتير النهاردة وجود ايمن اشرف خطأ وكان من الطبيعي وجود فتحي اساسي كان لابد من وجود وليد سليمان تحت رأس الحربة لانه حالياً لايمتلك السرعة عشان يلعب جناح الاهلي كان مستحوذ على المباراة ولكن الزمالك استغل الفاعلية بسبب اخطاء الاهلي
سبب الخسارة ان الاهلي كان سايب مساحات كتير في خطوطه وكل المساحات اللي في العالم الاهلي اداها للزمالك النهاردة والفرقة كانت بطيئة المباريات اللي زي دي لازم يكون في شخصية البطل وللاسف الاهلي لم يظهر شخصيته امام الزمالك رغم انه كان عنده فرصة لاحراز اكتر من هدف ولكن بسبب التوتر والاندفاع ماستغلوش الفرص اللي جاتلهم
الجمهور بياخد وقت على ما يفوق من الهزيمة او يتقبلها ولكن الفرقة لازم تتخطى الهزيمة والوقت دا الاهم فيه التركيز على بطولة افريقيا لأن الدوري شبه محسوم
المدرب لازم يشتغل الفترة الجاية عن الروح التنافسية بين اللاعيبة ويخلق الروح في الفرقة
