السلام عليكم ازيكم يارب تكونوا بخير وبصحة وسعادة
مبدئيا علشان مطولش عليكم حرفيا بنك qnb من افضل البنوك اللى تتعامل معاها فى مصر نظرا للميزات الاتية
اول حاجة كان عندى حساب باى بال وكان عليه فلوس وللاسف مش عارف اسحبها ازاى
قرات فى الفيس بوك عن ان بنك qnb ممكن تسحبها من خلاله
اتصلت بخدمة العملاء وسالتهم قالولى ايوة بس لازم تعمل شهادة بألفين جنيه وديعة صغيرة يعنى وبناءا عليها بيتعملك كارت كريدت كارت ومنها تربط بالباى بال المصرى وتسحب هل دى الميزة الوحيدة للبنك ده لا طبعا فى مميزات تانية
كنت شغال كأفليت لموقع سوق دوت كوم وكنت بحقق اوردرات وبينى وبينكم كانت التجربة جديدة ومكنتش متوقع انى فلوسى تتسحب فعليا لما جده معاد السحب سحبت فلوسى على بنك qnb
تقريبا انا الوحيد اللى فى مصر اللى فلوسه وصلت بالدولار الامريكى ودى كانت حاجة جميلة جدا وقتها لانى كنت اول مرة امسك فلوس دولار فرحت جدا ساعتها البنك الوحيد اللى كنت تسحب عليه تقريبا ويديلك فلوسك دولارات هو qnb طاب ازاى اقولك انا بمجرد ما تسحب وفلوسك توصل البنك البنك اوتوماتيك بيعملك حساب دولارى وبيخصم جزء من السحب مقابل مصاريف الحساب وبكدة بعد كدةو فلوسك بتوصل بالدولار
هل دى الميزة الوحيدة للبنك ده لا فيه ميزة تانية البنك عمل فيزا مشتريات على شكل حظاظة او اسورة بتتلبس فى الايد بقيت كل ما حد يشوفها فى ايدى يقولى محمود بيلبس حظاظة وهو عنده 32 سنة بوقفه عند حده وبقوله دى فيزا ياريس وابتدى احكيله الحكاية مش بيصدق ان فى فيزا على شكل حظاظة :1f606::1f606: