مراجعة موبايل Vivo S1

[MichaelAnees]

مراجعة موبايل Vivo S1

التصميم :-

الخامة البولي كربونيت وموبايل فيفو S1 جاي بنقشة الـ Diamond اللامعة بتنور وتغير لونها مع انعاكس الضوء عليها و تصميم شباب شيك واللون كمان بيتدرج من اسود لموف لازرق على حسب الاضاءة عليه وكمان الفريم من فوق لونه موف ومن تحت لونه ازرق .
الموبايل وزنه ف الايد خفيف حوالي 180 جرام وتخانة 8 ملم ومش هيواجهك اي مشاكل في استخدام الموبايل ده بايد واحدة .

الشاشة :-

شاشة بحجم 6.4 بوصة بدقة FHD+ بكثافة بيكسلات محترمة فوق الـ 400 بيكسل .
والشاشة اداءها حلو وسطوعها كويس جدا تحت اشعة الشمس .. يمكن الشاشة من المميزات القوية الي ف الموبايل ده.
طبعا الشاشة فيها نوتش للسيلفي مينفعش تلغيه من الاعدادات .

الأداء :-

وهنا فيفو استخدمت معالج من ميدياتيك وهو P65 معالج ثماني النواة تكنولوجيا 12 نانو .. المعالج ده قريب جدا من اداء P60 القديم بتاع Oppo F9 و*Realme 3*.. الفرق بس ان الانوية في معالج P65 أحدث شوية من أنوية معالج P60 .
عموما اداء الموبايل كالمعتاد مع سوفت وير فيفو FunTouch OS حلو جدا لان اصلا الواجهة ممتازة ومعمولها تحسينات كتير علشان ادائها يبقا سريع مش هتحس باي تهنيجات او اي تقطيعات في استخدامك للموبايل ده في برامج السوشيال والمكالمات والتنقل بين البرامج .


عوامل الأمان :-


الموبايل فيه بصمة مدمجة بالشاشة سرعتها كويسة جدا .
وكمان الـ Face Unlock سريع جدا ومفيهوش اي مشاكل ف الاستخدام .

الصوت و الشبكة :-

صوت الموبايل للاسف اديله تقييم ضعيف او اقل من المتوسط لان الصوت فعلا مش عالي ومقدرش ينافس مع الهواتف المنافسة بنفس السعر زي*ريلمي 5 برو*مثلا .
انما صوت سماعات المكالمات كويس وعالي وصوت سماعات الاذن بردة كويس جدا .
وأخيرا شبكة الفيفو اس 1 كويسة جدا ومفيش فيها اي مشاكل في الاستخدام .

البطارية :-

بطارية ضخمة 4500 مللي أمبير هتستحمل معاك حوالي يوم ونص من الاستخدام .. والبطارية من اهم مميزات القوة في الموبايل ده .. بس للاسف منفذ الشحن قديم ميكرو يو اس بي بس معاك شاحن سريع 18 واط سريع جدا شحن البطارية الضخمة ديه بالكامل في اقل من ساعتين .

الكاميرات :-

الاساسية 16 ميجا بيكسل فتحة عدسة 1.8 والتانية 8 ميجا بيكسل للتصوير الواسع فتحة عدسة 2.2 والاخيرة 2 ميجا بيكسل للعزل .
والسيلفي الموجود ف النوتش 32 ميجا بيكسل فتحة عدسة 2.0 .


مميزات Vivo S1

يدعم تركيب كارت ميموري وشريحتين اتصال معا .شبكة الموبايل ممتازة .اداء جيد من الكاميرا السيلفي .سوفت وير فيفو ممتاز وسلس جدا في الاستخدام .شاشة أموليد ادائها ممتاز .بصمة مدمجة في الشاشة سريعة جدا .بطارية ضخمة مع دعم شحن سريع 18 واط .

عيوب Vivo S1

اداء المعالج غير مناسب في فئته السعرية خصوصا الاداء الرسومي في الألعاب الثقيلة .لا يدعم لمبة اشعارات ولكن يقدم خاصية Always on Display .خامات تصنيع من البلاستيك .منفذ شحن قديم Micro USB .انخفاض صوت الهاتف نسبيا .ضعف اداء الكاميرا الخلفية ليلا .

[saadashraf14]

السلام عليكم ورحمه الله وبركاته
مراحعة هاتف فيفو S1 واهم مواصفات الهاتف مايلى
- الأداء والهاتف بيجى مع اداء قوى ومميز حيث انه بياتى مع معالج ميديا تك من نوع Mediatek Helio P65 وهو معالج ثماني النواة تكنولوجيا 12 نانو
- كما ياتى الهاتف مع زاكرة تخزينية بحجم 128 جيجا وزاكرة عشوائية كبيره بحجم 6 جيجا رام
- ياتى الهاتف مع كاميرات ثلاثيه خلفيه بدقات مختلفه قالثلاث كاميرات دقتهم كما يلى 16+8+2 ميجا بيكسل وياتى نع كاميرا امامية بحجم 32
-كما ياتى الهاتف مع شاشه من نوع أموليد وهى بحجم 6.38 بوصة بدقة FHD+
- نظام التشغيل اللى بيجى مع الهاتف هو اندرويد 9.0 وقابل للترقيه
- البطارية من نوع ليثيوم بوليمر وهى بحجم 4500 مللي أمبير
اهم مميزات الهاتف
- الشاشه اموليد وبالتالى درجة سطوع عاليه
- قدوم الهاتف مع بطاريه بشحن سريع ممتاز
- تصميمم الجهاز ممتاز جدا
اهم العيوب
- لايوجد لمبه اشعارات
- المعالج ليس بافضل المعالجات فى الفئه دى
- الخامات بتاعت التصنيع عاديه
تقبلو مرورى احبتى والله الموفق