كتير مننا نفسه يستثمر فلوسه فى حاجة ربحها عالى و مخاطرتها قليلة ، و دى معادلة صعبة جداً ، لانك لو عايز تكسب كتير لازم بمقابل إلى عايز تكسبه تدفع مخاطرة عالية و مجهود اكتر ، و لكن هل عمرنا سألنا نفسنا هل فى حاجة استثمارها سهل ... يعنى مخاطرتها قليلة مقابل مكسبها العالى ؟
الإجابة هنعرفها بمراجعة بعض الاستثمارات الأهم من وجهة نظرى
- أولا : الاستثمار فى الذهب
يمكن دا افضل استثمار من وجهة نظرى و لكن برضو محاط
بالمخاطر ، بمعنى فى الازمات هتلاقيه بيرتفع جداً و لكن بعد انتهاء الازمات و عودة قوة الدولار هتلاقيه بيهبط
بس انا من رأيى أنه افضل استثمار عشان هو معدن نفيس و حاجة غير متجددة فبالتالى كميتها قليلة و استمرارها فى ايد الناس بيبقى نادر بمرور الوقت و زيادة الناس
- ثانياً الاستثمار فى البيتكوين
للاسف من اسوء الاستثمارات الى شوفتها فى حياتى حاجة خزعبلية بمعنى الكلمة بعد وفاة مؤسسه لقينا انهيار تام و كامل للعملة مما لا يدع مجال للشك أن الاستثمار فى اى عملة رقمية محفوف بالمخاطر جداً رغم مكاسبه الكبيرة
- ثالثاً الاستثمار فى مواقع التعدين
بصراحة اكتر حاجة شوفتها بتنصب على الانترنت بشكل عام هى مواقع التعدين حاجة كده واضح انها كلها نصب و بيجذبوا الناس و فى الاخر بيضحكوا عليهم و زى ما شوفنا مع اكتر من حد تم غلق شركة و موقع التعدين و الناس خسرت كل فلوسها
- رابعاً : الاستثمار فى العلم
و من وجهة نظرى هو دا افضل استثمار ممكن تعمله فى حياتك انك تحط فلوسك فى الاستثمار فى نفسك و فى تعلية مكانتك كفرد مدام انت لاقى تاكل و تشرب أحمد ربنا و ارضى عشان ربنا يكرمك
و بالتوفيق للجميع يارب
مركز الخليج