Thread: 
Subscribe
قواعد هاامه جدا لأي متداول ف الفوركس
السلام عليكم .. انا حبيت أذكر لكم كذا قاعده هامه جدا لأي تاجر فوركس وياري تستفيدوا كلكوا من الموضوع
القاعده الأولى : استخدام أمر ال stop للخساره
لييييييييييه ؟؟
علشان امر الحد من الخساره هو خط الدفاع الأول لحمايتك .. حركة السوق متذبذبه و مش كل مره هتصدق توقعاتك (( مش كل مره تسلم الجره ))
فأمر ال stop للخساره ده هيمنع من تضاعف الخساره وهيحافظ على البونص بتاعك او الايداع ودي صفه من صفات التاجر المتميز .
القاعده التانيه : متخسرش أكتر من 2% من حسابك في الصفقه الواحده
يعني ايييييه ؟
يعني لما تعمل stop للخساره اعملها بحيث انك مش هتخسر اكتر من 2 % فكلما زاد عدد النقاط التي تخسرها يزيد المبلغ الذي ستخسره فخليك ف الأمان وحصن نفسك
القاعده التالته : لا تدخل في صفقه بعكس ميل السعر
يعني تصحصح كده وخليك فاهم الحكايه ماشيه ازاي ... لما ميل السعر يكون صااااعد يبقى اشتري العمله دي ... ولما ميل السعر يكون هاااااااابط تبقى تبيع العمله دي
لأن احتمال استمرار حركة السعر مع الاتجاه العام أكبر من احتمال معاكسته للاتجاه العام . طيب اذا كان الميل مش ثابت ع حل يعني لا صاعد ولا هابط اسمه ميل جانبي ف الحاله دي بنصبر شويتين لحد لما السوق يقرر حركه الميل اذا كان صاعد ولا هابط علشان كده بنقول ان الميل هو صديق المتاجر ولو مش عارف ازاي تعرف ميل السعر ادخل ع المكتبه التعليميه وشوف الفيديوهات بتاعت الدعوم والمقومات وانت هتعرف
القاعده الرابعه : لازم تتعلم تحليل الرسومات البيانيه وتتجنب خالص الحدس بتاعك والخوف والطمع واياك والطمع ... هتتعلم التحليل وهيبقى ليك اسلوبك الخاص ف تحليلك للرسومات البيانيه هتحقق ارباح كبيره جدا ... هتعتمد ع الحدس وممكن وممكن لأ .. هتخسر من خساره لخساره .. فخلي منهجك قائم ع المنهج العلمي في الفوركس واياك من انا عندي احساس ان السعر هيزيد او هيقل ...
لا تركض وراء الفرص طمعاً بالربح بل اجعل الفرصة تأتي إليك ودع التحليل هو الذي يؤكد لك ذلك .
القاعده الخامسه والأخيره : لا تتاجر ف الأوقات والظروف الغير ملائمه ودي ليها جانبان جانب من عندك انت وجانب من عند السوق
من عندك يعني انت سرعة النت عندك مش مزبوطه والنت بيقطع وحالته منيله مش تروح داخل ف صفقه ف الظروف دي هتخسرها يعني هتخسرها مفيش كلام
من عند السوق يعني لقيت ان حركة التذبذبات سريعه ومش مستقره والميل بتاع السعر مش واضح .. خلاص متخاطرش وتعمل صفقه لانك حتى لو ربحت فيها هتربح ربح قليل وكذلك لو خسرت .. طب ولأيه استنى لما تشوف الاتجاه العام للسعر وابدا اعمل صفقه ... متفتحليش صفقه في أيام السبت والحد .. دايما خلي صفقاتك من الاتنين لغاية الخميس ... تابع الاخبار الاقتصاديه وشوف التوقعات بتاعت الاتجاه العام للسعر وادخل ع المنصه واتأكد منها بالتحليل لقيتها فله شمعه منوره امشي فيها وع بركة الله
وبكده أكون خلصت شرح ال5 قواعد دي .. وياريت تكونوا استفدوا منها ... وبالتوفيق دائما والسلام عليكم ورحة الله ويركاته
