نظرة عامة حول عمل كبسة الفراخ
المكوّنات
٢ فرد
1/2 ك فراخ وراك (4 اوراك)
1 كوب و نص ارز بسمتى
2 طماطم مبشورة
1 بصلة مبشورة
4 فصوص ثوم مفروم
رشة ملح
1 كيس ماجى فورى
رشة فلفل اسمر
رشة بهارات
2 حبهان
2 قرنفل
2 ورق لورا
2 ليمون مجفف
رشة بابريكا
رشة كركم
رشة كارى
الخطوات
تغسل الفراخ بالدقيق و الخل عشان نتخلص من الزفارة بتاعتها
فى حلة نحط معلقتين زيت و معلقة سمنة ننزل بالبصل المبشور والثوم المفروم و نقلب لغاية م البصل يذبل
ننزل بالفراخ واول لما تاخد لون ذهبي نشيل الفراخ ف طبق خارجى
ننزل بالطماطم المبشورة و كل البهارات المذكورة ماعادا كيس الماجى و نقلب ٥ دقايق بعدين ننزل بالفراخ تانى عليهم و نصب ٤ اكواب ماية (الفراخ هتشرب كوباية تستوى بيها و ال ٣ اكواب التانيين للارز) واول لما الماية تغلى نوطى النار و نسيب الفراخ تستوى ٤٠ دقيقة
صورة الخطوة 4 من وصفة كبسة فراخ
وبعدين نشيل الفراخ فى طبق خارجى و نعاير ٣ اكواب من الشوربة بعد م صفيناها عشان هنحتاجها ف تسوية الارز و ف نفس الحلة نحط معلقة زيت ومعلقة سمنة و نشوح الارز دقيقتين و بعدين ننزل بالشوربة و اول لما الماية تغلى نحط كيس ماجى و نوطى النار بعد ٢٠ دقيقة نفتح و ننزل بالفراخ فوق الارز و نسيبه يكمل تسوية مع الفراخ ١٥ دقيقة و نطفى