السلام عليكم ورحمه الله وبركاته طبعا كلنا شفنا رهان كابتن رضا عبد العال مع الاعلامي ابراهيم فايق على ان منتخب مصر في كاس العالم الماضيه هيخسر كل مبارياته وكلمته الشهيره (وانا باقول لك احنا هنبقى حصاله )وكان ده على عكس توقع كل المدربين والمحللين وبالفعل انتصرت وجهه رضا عبد العال و منتخب مصر خسر كل مبارياته فى صدمة للجميع
دلوقتي رضا عبد العال متولي مسؤوليه نادي طنطا النادي اللي بيصارع على الهبوط وظهرت شخصيه رضا عبد العال في نادي طنطا في الماتش اللي فات النادي اللي كانت نتائج مؤسفه خالص طول فتره الدوري و مكانش بيقدم كورة بالرغم ان هو تعادل لكن كان بيلعب كوره حلوه و ضيع في فرص كثير قوي الماتش اللي فات كانت تقدر تخلص الماتش بنتيجه كبيره خالص والنهارده شوفنا شخصيه رضا عبد العال قدام نادي الزمالك وازاي نادي طنطا احرج نادي الزمالك ولعب قدامه ماتش للتاريخ وكان قريب من التعادل وكان بيقاتل اخر ثانيه بالرغم من الهزيمه لكن تحيه كبيره الكابتن رضا عبد العال اللي دائما ب يمتعنا سواء وهو لعيب و سواء وهو مدرب واللي اتوقعه له مستقبل واعد في التدريب ان شاء الله دمتم في امان الله والسلام عليكم ورحمه الله وبركاته