السلام عليكم ورحمه الله وبركاته اخواني الكرام في هذا المنتدى اهلا وسهلا بكم
بعد انقطاع اكثر من ٦ شهور عن التداول ، احب أن أقول لكم أنها كانت أفضل ٦ شهور منذ ٤ أعوام ، بدون توتر و بدون عصبية .. كان شعور رائع بصراحة
اينعم افتقدت ارباح التداول و دماغى كتير جداً بتفكر ترجع للتداول ، لكن احساسى الشخصى و الدلائل إلى قدامى عن موضوع الرافعة بتنبهنى أنى مرجعش
انا الموضوع دا يشارك معاكم فيه تجربتى مش اكتر ، لا بقول لحد بطل تداول و لا اى حاجة
انا نفسى مش عارف هرجع للتداول فى المستقبل و لا لأ ، بس الى عايز أقوله أن فعلا التداول بيوتر حتى لو بتكسب و بيتعبك نفسياً و ذهنياً و بيخليك مش قادر تفكر فى امور حياتك التانية بصورة كويسة و دا بسبب أن فى حاجة شغلاك و فى نفس الوقت انت مش عارف الحاجة دى هتروح فين ... مش عارف الشارت هيصعد و لا هيهبط مهما كان تحليلك
و لذلك أختم كلام. بوجهة نظرى إلى هتطبقها حتى لو رجعت للتداول ... لانى مش هسيب الراحة النفسية الى انا فيها حالياً دى ابدا.. حتى لو الفلوس قلت فى ايدى
انا بفضل التداول باستخدام الاكسيبرت او تستثمر فلوسك تحت متداول ناجح بضمانات قوية تضمنلك حسابك و تسيبه و تريح دماغك دا من وجهة نظرى أو انا لو رجعت هعمل كده غالباً .
أيوة عارف ان دا بيوتر برضو بس افضل كتير من انك تكون داخل الصفقات بدماغك انت فتتوتر اكتر ، النفس البشرية بتميل لتحميل الأخطاء للغير حتى لو هى اتضرت
و بالتوفيق للجميع يارب العالمين