مراجعة حول رأيي فى ازمة لقاء الخميسى زوجة عبدالمنصف مع جماهير الزمالك

[Ahmed Rashad]

السلام عليكم و رحمة الله و بركاته
نزلت لقاء الخميسي زوجه حارس مرمى نادي الزمالك السابق ونادي وادي دجله الحالي محمد عبد المنصف صوره لزوجها بعد تألقه مع نادي وادي دجله في مباراه وادي دجله امام الزمالك فتفاجات الفنانه لقاء الخميسي بسيل من الشتائم من جماهير الزمالك متهمين محمد عبد الناصف بانه كان من الاسباب الرئيسيه في هزائم نادي الزمالك ايام ما كان بيلعب في الزمالك و وانه جاي يعمل اسد قدام الزمالك مع انه كان مع الزمالك ولا حاجه وشتائم من هذا القبيل مما اثار غضب الفنانه لقاء الخميسي و ردت و قالت دي صفحتي الشخصيه اللي بيحبنا بس هو اللي مرحب به هنا
من
وجهه نظري تصرف ما كانش ينفع خالص من جماهير نادي الزمالك مع حارس مرمى قعد فتره مش قصيره بيحرس عرين نادي الزمالك وكمان كان من اللعيبه المؤدبه اللي عمرنا ما سمعنا عنها مشاكل جوه الملعب ولا بره الملعب

---

اذا عجبك الموضوع من فضلك اضغط اعجبنى اسفل اليسار

[Ahmed Rashad]

على الجانب الثاني جماهير الزمالك مشحونه خصوصا بعد هروب مدربهم كارتيرون في نصف الموسم والمنافسه صعبه مع نادي بيراميدز على المركز الثاني في الدوري و قرار اللجنه الاولمبيه بايقاف رئيس النادي اربع سنين كل ده والنادي الزمالك بيستعد لمباريات صعبه جدا في دوري ابطال افريقيا اللي بيحلم انه يفوز بيه السنه دي انا مقدر الضغط اللي فيه الجماهير في نادي الزمالك لكن محمد عبد المنصف ما عملش حاجه غلط هو كان بيحرس مرمى النادي اللي هو فيه دلوقت يعني هم كانوا عايزين يسيب لهم الماتش لمجرد ان هو كان حارس مرمى سابق للزمالك اكيد دي حاجه مش رياضيه ولا اخلاقيه خالص