السلام عليكم و رحمة الله و بركاته اعضاء المنتدى الكرام
اليوم حابب اتكلم عن ماهية اختيار البروكر او شركة التداول المناسبة لك كمتداول حاليا يوجد على الساحة العديد و العديد من شركات التداول و كل يوم تظهر شركات جديدة السؤال اللى بيواجه اى متداول لسه داخل السوق او حتى متداول قديم حابب يغير شركته هو ازاى اختار من كل الشركات المعروضة دى اى اللى يفرق دى عن دى عن دى الاجابة هى ان فيه العديد من الشركات المحترمة و جميعها قديمة فى المجال و معروفة و لكن عند اختيارك لازم الشركة تستوفى بعض المعايير العامة التى لا غبار عليها اهم المعايير دى هى الترخيص لازم تتاكد كمتداول من تراخيص الشركة كويس و مدى قوتها و تبحث ع النت و تسال الناس اللى قامت بتجربتها و فيه مواقع كتيرة معتمدة تقدر توضحلك هل الشركة تمتلك التراخيص اللى هى حطاها على موقعها دى و لا لا اذت تتاكد اولا من مصداقية الشركة من حيث التراخيص ثم تتاكد من قوة الترخيص و بردو فيه مواقع كتير بتبينلك مدى قوة او ضعف الترخيص بعد كدة بنيجى للامور الثانوية اللى بتختلف من متداول لمتداول زى طرق الايداع و السحب المتوفرة المدة اللى بيستغرقها الايداع و السحب هل الشركة بتسمح بالهيدج او لا هل بتسمح بتبييت الصفقات مدة طويلة او لا ده طبعا اذا كانو ضرورين فى طريقة تداولك هل يوجد بونص على الايداع الرافعة المالية اقصاها كام .اذن عشان تختار البروكر الصحيح لازم اولا تتاكد من مصداقية البروكر و ده اهم حاجة بالطرق اللى ذكرناها ثانيا تقارن بين مميزات و عيوب كل بروكر متاح امامك من حيث احتياجاتك فيه اللى بيحتاج ان السحب يبقى فورى فيه اللى محتاج حساب بالسنت فيه اللى محتاج تبييت صفقات بدون عمولة .تاكد انه من الصعب انك تلاقى كل الصفات اللى محتاجها فى بروكر واحد و لكن باتباع الخطوات السابقة تقدر ان شاء الله تختار اكتر بروكر يلبى اهم اولوياتك و احتياجاتك كمتداول و اللى بتختلف من شخص لشخص كما ذكرنا سابقا