Dayun DY 150cc-6
* موتور 150cc علي كاتينة .
* واحد سلندر رباعي الاشواط .
* فرامل باكم أمامي و خلفي .
* تبريد هواء .
* عداد ديجيتال .
* مارش و منفيلا .
* إضاءة خلفية ليد .
* سعة التنك 14 لتر .
* السرعات 5 سرعات .
* مساعد خلفي نص .
* السرعة القصوي : 90 كم/س .
* كاوتش أمامي تيوبلس مقاس 80/100ـ17.
* كاوتش خلفي تيوبلس مقاس 70/130ـ17 .
** انواع الدايو 6 **
الدايو 6 نوعين عادة ومعدلة .
. مفيش فرق . الفرق بس في الشكل .
* الشكمان في المعدلة شكلة افضل من العادة .
* الجادون في المعدلة جزئين والعادة جزء واحد .
* نقشة الكاوتش و الحمالة الخلفية و شكل العداد مختلفين في العادة والمعدلة .
* المعدلة فيها منفلة و ريموت انذار .
* العادة مفيهاش . والمنفلة ميزتها ان لما البطارية تبوظ منك تعرف تدور المكنة .
*العادة فيها دواسة حريمي اما المعدلة مفيهاش . وممكن تشتري الدواسة الحريمي وتركبها عادي في المعدلة .
والمعدلة يوجد بها اكسسوارات أخري .
*السعر فالمعدلة أزيد من العادة بالف جنيه .
*المعدلة افضل في شكل .
** مميزات الدايو 6 **
* صوتها ناعم وهادي .
* موفرة في البنزين لأنها 150 cc .
* مفيش اهتزازات ومريحة في السفر .
* تقيلة وراسية و ثباتها جيد علي الارض .
* السرعة القصوي في ناس جابت 120 و 125 .
* قطع غيارها منتشرة ورخيصة أرخص من البنلي و البجاج .
* شكل رياضي و مميز وجميل زي شكل الهوندا هورنت و السوزوكي بي كينج .
* كاوتشات عريضة مقاس 130 و ينفع تعدل عليه مقاس اعرض زي ال140 من غير تعديل اي شئ و هيركب عادي .
* عيوب الدايو 6 *
هو العيب ده بالنسبة للناس الي بتحب السرعة لان الموتور 150cc لو كانت نزلت 200cc كانت هتبقي في منتهي الروعة بس هتبقي عيب برضو لأن لو نزلت 200cc هتبقي اعلي في السعر و استهلاك البنزين هيبقي اكتر