فودافون كاش هى أحد خدمات شركة فودافون إلى من خلالها نقدر نسحب او نرسل الأموال ... بس فى الموضوع دا احنا بنتكلم عن السحب و المشاكل المتعلقة فهنا هنناقش كل طرق السحب إلى نقدر نسحب بيها من فودافون كاش بمميزاتها و عيوبها
أقرب فرع فودافون
الطريقة دى هى أكثر طريقة آمنة فى سحب فلوسك خاصة لو انت من الناس إلى بتخاف شوية ، والطريقة دى هتضمن بيها حقك لان ببساطة فى الشركة نفسها و لو حصلت اى مشكلة هيحلوهالك بسرعة بالإضافة لوجود اموال كويسة فى الفروع الكبيرة
عيوب الطريقة دى
إن فرع فودافون دائما بيبقى زحمة و دا بيستهلك الوقت و المجهود منك
كمان الفروع الصغيرة مبيبقاش فيها فلوس كافية
فورى fawry
يمكن هى افضل طريقة من وجهة نظرى لسحب الاموال و أسرتها ، و شبكة فورى شبكة قوية موجودة فى أغلب الوقت ، و لكن يعيبها انقطاع السيستم من فودافون نفسها عن شبكات فورى
امان
يمكن هى شبيها لفترة و لكن للاسف مش كل فروع امان عندها خدمة السحب فودافون كاش و دا شيئ غريب جداً و كل مرة بروح اسحب منهم يلاقى الخدمة واقفة عندهم و برضو الشركة بتقطع عنهم الشبكة
ماكينة ATM
دى اسوء طريقة للسحب من وجهة نظرى رغم أنها بتوفر عليك ١٪ الى بياخدنا فرع فودافون أو امان او فورى .. بس دا مقارنة بالعيوب إلى ممكن تحصل و هى تعطل الشبكة او الأخطاء فى السيستم تعد عيب مش ميزة
اتمنى اكون وضحت الامور من وجهة نظرى و بالتوفيق للجميع