تحاول تستغل وقتك في الفوركس في تحليل السوق لو شايف ان مفيش فرصة متوفرة حاليا وشايف ان الافضل انك تنتظر يبقى تحاول تحقق ده ووقتها ينصح بقلة المتابعة لان المتابعة مش هتفيد في حاجة وتقدر تتردد على المنصة كل يوم مرة ولا حاجة تشوف فيها بس اوضاع السوق واذا كانت الفرصة بقت اقرب ولا لسة غير كده لا اما فكرة انك تفضل فاتح المنصة بتتابع السعر ومش عايز تدخل فالأمر صعب وهيحتاج منك مجهود كبير وماينصحش انك تعمل كده لانك هتضعف قدام اغرائات السوق فمن باب اولى انك متبصش على الاغرائات دي وتقفل المنصة وتكمل حياتك عادي والفلوس موجودة في الحساب مش هتطير والربح كمان تقدر تحققه بصفقة تانية اوقات كتير متداول بيعاند وبيخش صفقة لمجرد انه مش عايز الحساب يبقى مفهوش صفقات وبيتنزق في صفقة ممكن تقعد معاه اسبوع واتنين ففكرة انك تسيب السوق اسبوع من غير تداول مش هيضرك بالعكس ممكن تعتبر نفسك كنت فاتح صفقة واتزنقت فيها.