طبعا اكتر من مليار انسان بالاحصائيات بيكون متابع من الموسم للموسم لكلاسيكو الارض بين ريال مدريد وبرشلونه والمباراه ديه دونا عن اى مباراه تانيه ديربى او قمه بيكون ليها طابع خاص خصوصا فى السنين الاخيره اللى اصبح فيه حتى اى مشجع او متابع لفريق تانى عنده فريق اضافى اما ريال مدريد او برشلونه حتى لو بيميل مثلا لاى فريق منهم بصرف النظر عن شعبية ريال مدريد المرتفعه عن برشلونه, الفريقين بيدخلوا المباراه بعد فتره او سلسله من التخبطات , ريال مدريد مهزوم فى اخر مباراه فى الدورى من قادش على ملعبه الفريدو دى ستيفانو وسط تخبط فى الاداء وغير اقناع هجومى مع تكرار غياب ايدين هازارد الصفقه اللى كتير دلوقتى اصبح ينعتها بالفشل بعد ما امضى معظم الفتره اللى انضم فيها للريال فى المستشفى بالتالى رغم انخفاض المعنويات الا ان الانخفاض ده من الممكن يكون دافع للريال ولاعبيه عشان يقدموا مباراه قويه فى عقر دار برشلونه , بالنسبه لبرشلونه فطبعا بعد فضيحة ال 8 اللى هتستمر تلاحقهم سنين وسنين بدا التخبط بالتعادل مع اشبيليه فى الدورى ومن بعده هزيمه فى نفس الاسبوع مع ريال مدريد من خيتافى لذلك المعنويات منخفضه نفس الشئ زى ريال مدريد لكن برضه من الممكن ده يكون دافع ليهم لتقديم مباراه قويه
لذلك على الرغم من ضعف الفريقين الا ان طبيعى الكلاسيكو مهما كانت الظروف هيكون ليه طابع وقوه والجميع هينتظره
![]()