الحقيقة اشتريت هذا الهاتف من فترة زمنية تقارب الثلاثة اشهر
كان فى المعتاد شرائى لهواتف شاومى ولكن قمت بتجربة جديدة وفريدة من نوعها
اول ملاحظاتى فى هذا الهاتف
لاج خفيف عند التعامل مع هذا الموبيل لم اجد هذا اللاج فى هواتف شاومى
بجانب مع مرور الوقت لاحظت ان السماعة صوتها اصبح منخفض للغاية روحت التوكيل عندنا فى اسكندرية بالقرب من شارع خالد ابن الوليد
المهم لقيتهم قالولى الموبيل هيدخل صيانة ومش هينفع يستبدل لانه مر عليه اكتر من شهر وسالتنى العطل ده حصل امتى قولتلها بعد ثلاثة اسابيع منذ شراء الموبيل قالتلى ياريتك كنت جيبته لان كدة خلاص لا يمكن استبداله قولتلها مهو احنا كنا فى عيد الاضحى ما علينااخدت الموبيل واكتشفت حاجة غريبة ان سماعته صوتها غير منخفض ولا اى شىء اى مشكلتها انها بتحتاج تنظيف من وقت لاخر بسبب التعرق وبسبب الاتربة وبالفعل قمت بتنظيفها ورجعت زى الاول واحسن
من اجمل مميزات الموبيل ده ان بطاريته بتعد طول اليوم شغال عليه حرفيا لا تكل ولا تمل يعنى بنزل من البيت قرابة الساعة 11 ظهرا ارجع اتنين بالليل والبطارية رغم العمل الدائم عليها مبينقصش منها غير 50 %
لذلك لمن يقوم بالعمل عبر الانترنت يجب عليه شراء قوة بطاريته مثل قوة بطارية هواتف infinix