للاسف مع الوقت بنكتشف ان معظم اعضاء المنتدى بيتداولوا فول مارجن اغلب توقعات السوق مش بتصيب والتحليل نفسه مش بيكون بالقوى الكافية اللي يعتمد عليه بالتالي فكرة المقامرة من اجل الربح منطقية في حالة انك تحط كل الجهد في صفقة واحدة فول مارجن تكسب او تخسر طبعا الاغلب اذا ماكنش الكل بيخسر ويتمرجن ويجرب مرة تانية في الشهر اللي بعده ورغم ان الطريقة دي مش كويسة الا انها الحل المتاح حاليا للربح مع الاسف المفروض اننا حتى لو هنستخدم الطريقة دي تكون بس مؤقتة لحد لما نحسن من مستوانا لكن حتى مع تحسين المستوى مش بيكون كفاية للاقلاع عن الطريقة دي وبيضطر المتداول انه يستمر فيها فترة كبيرة لحد الادمان اتمنى فعلا مع الوقت اننا نحاول نشوف حل للمشكلة دي وان يكون فيه دورة لاستراتيجية معينة معتمدة وناجحة او لطريقة تداول يقدر يعتمد عليها بدل الاراء المختلفة اللي بتصدر عن تحليل نفس الزوج