فيه أعراض زي قلة التركيز والصداع الشديد وحالة الخمول والتعب وضعف الشهية وشعور بالأرق وحكة (هرش) ولون الوجه يتقلب للأصفر .. أعراض زي دي ممكن نترجمها لألف مرض السبب فيها .. إلا إنها تكون مرتبطة بنسبة اليوريا في الدم ..
مش هتكتشف موضوع نسبة اليوريا دة أو حتى تعمل تحليله إلا لو بدأت عندك مشاكل الكلى .. هما الآتنين مرتبطين ببعض .. طب إزاي مرتبطين هقولك إزاي : الفضلات الطبيعية اللي بينتجها الجسم بعد الأكل وبعدها الكبد بيحلل البروتين (وهنا بقى بينتج اليوريا) ولو الكلى ماتخلصتش منها بتوصل للدم ويتم تصريفها عن طريق البول ..
مضاعفات زيادة اليوريا بتكون فشل كلوي ، توقف وظائف الكلى اللي ممكن يوصل لغيبوبة المخ ..
طب الأعراض والمضاعفات دي هنحتاج نعرف أسبابها واللي هي تقريباً برضو بتحصلنا كلنا زي حصوات الكلى وزيادة معدل الدهون في الدم وعدم إنتظام الضغط وزيادة السكر في الدم .. دول بيوصلونا لأمراض كتير منهم اليوريا ومن اليوريا يحصلنا الأعراض والمضاعفات دي ..
حاول تبقى مُلم بكل الأمراض اللي تخص أعراضك .. وماتسكنش العرض وتسيب المرض ..
لازم يكون سكرك مظبوط وممكن تجرب معاه شوك الجمل وضغطك معاه الخلة البلدي عشان نفضل محافظين على المستويات مع الماااااء (المايه يا جماعة ببلاش والله ومهمة جداً)..
دمتم بصحة