الحقيقه دايما اليوم اللى بروح فيه البنك بيكون اسمه يوم الضياع لان اليوم حرفيا لازم بيضيع فى البنك بسبب
ساعات الانتظار, البنك الأهلى فرعه عندنا كبير والمفروض بيتسع لاكتر من 12 شباك فى كل دور على اساس
تلبية خدمات المواطنين المختلفه واللى على راسها خدمات السحب والايداع وغالبا انا بروح لعمليات الايداع لان اولا أمن
البنك نفسه نصحنى انى اعمل ايداع داخلى معملش فى الماكينه الخارجيه لان مشاكلها كتير جدا على حسب كلامه واللى
اكده الناس بعدها بالتالى الايداع فى الماكينه يعتبر بند منتهى , بالنسبه للدخول فدايما فى قوائم الانتظار الرقم اللى قدامك
مبيقلش عن 30 او 40 شخص فى افضل الظروف واوقات بيوصل ل 70 و 80 شخص وده طبعا طبقا للمجموعه بتاعتك
لان كل مجموعة خدمات بيبقى ليها شبابيك محدده , عدد الشبابيك اللى فى البنك فى كل دور اكتر من 12 شباك بيكون شغال
منهم 6 شبابيك بس وبيقوم على خدمة كل مجموعه شباكين بس بالتالى لو انت فى افضل الظروف قدامك 30 او 40 شخص
فانت هتفضل قاعد مستنى ومنتظر ما لا يقل عن ساعتين اما لو كان العدد اكبر من كده هتفضل قاعد الى ان يشاء الله
لذلك انا بسمى يوم الذهاب للبنك يوم الضياع