كثير بنسمع اخبار وتحذيرات من الموجه الثانيه لفيروس كورونا وفى دول بالفعل بدات فيها الموجه الثانيه زي فرنسا طيب السؤال بقى ايه حكايه الموجه ويعني ايه موجه اولى موجه ثانيه ؟
اول حاجه اي فيروس او وباء في انتشاره لو مظهرلوش مصل او علاج بيقعد ينتشر بين الناس لغايه ما اغلب الناس تكون خذت الفيروس وخفت منه وساعتها المناعه بتاعتها بتكون اتعرفت عليه وصعب يجي لها ثاني فتبدأ الاصابات والوفيات تقل لغايه لما توصل لدرجه ضعيفه خالص وده اللي حصل في مصر مثلا
لكن في فيروس كورونا اكتشفوا ان ممكن المناعه بعد ثلاثه او اربع شهور تتغير فاللى اتصاب بالمرض ده قبل كده ممكن يتصاب منه ثاني و ده هو السبب الرئيسي لكلمه الموجه الثانيه لفيروس كورونا لكن الحمد لله المناعه بالرغم ان هي بتتغير لكن بتفضل فيه ذاكره ولو بسيطه للفيروس لما بيجي لها مره ثانيه بتقدر تتعامل معاه بشكل افضل من المره الاولانيه ومابيكونش بنفس الخطوره بتاعه المره الاولانيه
اذا اعجبك الموضوع من فضلك كلل مجهودى بالضغط على اعجبنى فى اسفل اليسار:1f603: