دايما مباريات ريال مدريد وفالنسيا بتتسم بالنديه والمنافسه الشديده والصعوبه على الجانب الملكى سواء كانت المباراه فى
المستايا معقل الخفافيش او فى البيرنابيو معقل وحصن ريال مدريد لكن ظروف مباراة النهارده مختلفه جدا وبصرف النظر
عن الترتيب الطبيعى اننا هنشوف مباراه قويه بين فريقين كبار اما الظروف المختلفه بتاعة مباراة النهارده فالخاسر الأكبر فيها
هو ريال مدريد اللى بيدخل المباراه بعدد وكم كبير جدا من الاصابات الحقيقه صعب جدا على اى فريق واخر الاخبار افادت
باصابة المنحوس هازارد بالاضافه لحامى الريال الدبابه كاسميروا بفيروس كورونا وده بيصعب الامر اكتر على زين الدين
زيدان وبيحطه فى اختبار صعب جدا النهارده بخيارات محدوده نظرا ان من المستحيل تعويض مكان كاسميرو لذلك امر صعب
بالنسبه لزيدان ولريال مدريد اللى مطالب بتحقيق الانتصار عشان يحافظ على مكانته على قمة الجدول
كذلك فالنسيا اللى الحقيقه بيعانى ومش فى وضعه الحقيقى اطلاقا فى الدورى بقاله كذا موسم محتاج مباراة النهارده على اساس
يحسن من وضعه وترتيبه فى الجدول ويرجع تانى للمنافسات الاوروبيه اللى احنا نفسنا مفتقدين وجوده كمنافس قوى وشرس وصداع
لأكبر الأنديه فى اوروبا لذلك مع صعوبة الاجواء والمباراه والضغط الرهيب على الفريقين فاعتقد ان شاء الله
هتكون من اقوى مباريات الدورى الموسم ده