مراجعة حول حرق السعرات ولا حرق الدهون

[Ahmededres]

مراجعة حول حرق السعرات ولا حرق الدهون :
بفرض إنك داخل مشروع استثماري ومطلوب منك تسدد مبالغ قيمتها مليون جنيه وعندك أملاك قيمتها مليون ونص جنيه
متوزعة ما بين حساب جارى ف البنك ٥٠٠ ألف جنيه ( الجيكوجين المخزن ف الكبد والعضلات )
و ٥٠٠ ألف وديعة مش هتعرف تكسرها غير بعد سنة وبتديك أرباح شهرية مثلا ٥٠ ألف جنيه( الدهون المختزنة ف الجسم )
و ٥٠٠ ألف على هيئة شقة تمليك (العضلااااات )
قدرت تسدد ٥٠٠ ألف من المبلغ المطلوب منك عن طريق الحساب الجارى( اللى هو الجليكوجين) وباقى عليك ٥٠٠ ألف كمان ...
لو افترضنا إنك أصحاب الفلوس ضغطوا عليك وعايزين الفلوس ضرورى وانت معندكش سيولة وف نفس الوقت أرباح الوديعة مش هتكفى ( الدهون ) هتبدأ تتوتر وهتفكر تبيع الشقة ( العضلات)بسعر أقل من قيمتها عشان تبيعها بسرعة ويبقى معاك سيولة وف نفس الوقت تكمل من أرباح الوديعة
لكن لو ال ٥٠٠ ألف لو فيه فترة سماح لمدة طويلة شويا هتقدر تسدد من أرباح الوديعة وهتحافظ على شقتك ومش هتخسر ....
دا بالظبط اللى بيحصل مع تمارين متوسطة الشدة أو عالى الشدة ف حالة استخدام مصادر الطاقة
هنقول إنك بتجرى على التريد ميل لمدة ساعة على سرعة ٦ ( تمرين متوسط الشدة ) هتلاقى ظهر على الشاشة إنك حرقت تقريبا ٣٥٠ ل ٤٠٠ كالورى .
ولو افترضنا إنك غيرت السرعة وجريت على سرعة ١٥ مثلا لمدة ساعة ( تمرين عالى الشدة ) هتلاقى ظهر برضو على الشاشة إنك تقريبا حرقت فوق ال ١٠٠٠ كالورى .
ف كلتا الحالتين تم حرق دهون وبنسبة مش قليلة بس بتختلف نسبية اعتماد الجسم على الدهون كمصدر للطاقة على حسب شدة التمرين وطبيعة أكلك ...
ف بداية التمرين لو أنت بتجرى على سرعة ٦ مثلا على التريد ميل بيبدأ الجسم يستهلك جلوكوز الدم كمصدر جاهز للطاقة ؛ وفى المقابل بيحصل تكسير للجليكوجين المخزن ف الكبد لإمداد الدم بجلوكوز للحفاظ على معدله ف الدم
ف نفس الوقت بيبدأ الأكسجين على أكسدة الدهون وتكسيرها لاستخدامها كمصدر طاقة وخصوصا إنه مصدر غنى بالطاقة
بس العملية دى بتكون محتاجة شوية وقت وأكسجين كفاية لتكسير الدهون .
طب ايه اللى بيحصل ف تمارين عالى الشدة زى الجرى على سرعة ١٥ متواصل على التريد ميل :
ضربات قلبك بتزيد جدا جدا عشان تضخ دم كافى لتغذية الجسم ؛ وف نفس الوقت الرئتين بيشتغلوا بأعلى كفائة عشان يقدروا يستوعبوا أكسجين كفاية للجسم وبتفضل تنهك : بس للاسف كمية الأكسجين مبتكونش كافية لتكسير الدهون ؛ وف نفس الوقت الجسم تحت مجهود رهيب ومحتاج طاقة فبيبدأ يتجه للبروتين وتكسيرها واستخدامها كطاقة
وبالتالي بتخسر من وزنك عضل ودا غير محبب لمعظم الناس طب ايه الأفضل :
* إنك تنوع ما بين تمرين عالى الشدة لمدة ٣٠ ثانية مثلا مع تمرين متوسط لمدة ٤ دقايق ؛ بتدى فيهم فرصة لجسمك يهدى ويقدر يستوعب كمية أكبر من الأكسجين لتكسير الدهون

[Midoo55]

السلام عليكم ورحمة الله
الدهون هي اكبر المشاكل التي تواجه اي انسان بل از الدهون قد تكون هي السبب الاساسي والاول في موت الانسان والدهون بتتكون عند الإنسان من خلال الاكل والشرب الكثير جدا ومن خلال عدم حرق هذه الدهون
وبالتالي يجب علي الانسان لكي يكون لديه الصحه الجيده لابد ان يكون لديه العزيمه علي حرق كل الدهون كما ان هناك انظمه متعدده من
الرجيم الذي يمكن ان يتبعها الانسان وبالتالي تكون مفيدن جدا في صحة الانسان وتسبب له الامان
ولذلك من وجهة نظري ان السمنه هي من اخطر الامراض التي من الممكن ان تتواجد عند اي انسان وبالتالي التخلص من السمنن يصبح ضروره من اهم الضروريات التي يجب ان يهتم بها اي انساز في العالم
ومن الممكن ان يتمكن التخلص من السمنه من خلال ممارسة
بعض الانشطه الرياضيه التي تمنح الانسان الصحه الجيده والطاقه الجيده
فمثلا رياضة الجري من اهم الرياضات التي تعمل علي حرق الدهون في جسم الانسان ورياضة السباحه واي نوع من الرياضه هو مهم جدا لحرق الدهون
ومن اهم الاساليب للتخلص ايضا من الدهون هو انه يعمل علي اتباع نظام ثابت للرجيم هذا النظام بيكون تحت رعاية الطبيب
كما ان هناك
مجموعه من الجلسات الطبيه التي يمكن ان يقوم بها الانسان والتي تساعده علي الحصول علي صحه جيده جدا