كلنا بيشغلنا تحقيق الهدف والربح لكن فى نفس الوقت عندنا مشكلة مع الخساير والطمع
طيب ازاى نحقق الهدف ونتجنب الطمع
مهم جدا تعرف البداية الصح وازاى تحقق الهدف بدون طمع
وعشان تحقق الهدف بدون طمع لازم تشتغل بطريقة محددة
طبعا بعد تحديد تحليلك الفنى السليم واختيار ادواتك وكل البديهيات دى
لازم تعرف ان كل اطار زمنى ولة مستويات سعرية من الدعوم والمقاومات بتختلف عن اطار زمنى اخر
اختيارك للاطار الزمنى اللى بتشتغل علية مع التزامك بية مهم جدا
تحديد اهدافط طبقا للاطار الزمنى المستخدم من اهم النقاط لوقف الطمع فى اهداف اخرى اكبر
اى صفقة بيكون لها هدف قريب وهدف متوسط وهدف بعيد اختار اللى يتناسب مع حجم اللوت وحجم رأس المال طبقا للفريم بتاعك دة مهم جدا جدا
يعنى حضرتك عملت تحليلك التمام وشايف ان الصفقة الجدوى منها ربح وشايف ان الاهداف 200 نقطة ودة طبقا لتحليلك على اطار زمنى كبير
ماشى تمام زى الفل
لما تيجى تشتغل لازم تجزء اهدافك مينفعش تدخل بكامل اللوت وتحدد الهدف بعد 200 نقطة
ادخل على مناطقة سعرية مختلفة
ولو دخلت من منطقة واحدة اخرج على اهداف مختلفة طبقا للفكرة اللى طرحناها سابقا وهى الاهداف القريبة والمتوسطة والبعيدة
يعنى اخرج بالتلت على الاهداف القريبة
اخرج بالتلت التانى على الاهداف المتوسطة والباقى على الهدف الأساسى
بكدة انت تتجنب القلق والتوتر والخوف من ضياع الربح
ايضا تتجنب الطمع فى الربح الكبير لما تشوف اول الأهداف خاصة مع تجزئة اللوت